बैजनाथमा एक युवकको हत्या, दुई जना पक्राउ

सुरक्षा-अपराध

गृहपृष्ठ
सुरक्षा-अपराध
बैजनाथमा एक युवकको हत्या, दुई जना पक्राउ

बैजनाथमा एक युवकको हत्या, दुई जना पक्राउ

आइतबार, माघ २७, २०८१ बागेश्वरी पोस्ट

कोहलपुर । बाँकेको बैजनाथ गाउँपालिकामा एक युवकको चक्कु प्रहारबाट हत्या आरोपमा प्रहरीले दुई जनालाई पक्राउ गरेको छ ।

गाउँपालिकाको वडा नम्बर ८ का १८ वर्षीय दिनेश रोकायको हत्या गरेको आरोपमा इलाका प्रहरी कार्यालय कोहलपुरले सोही गाउँपालिकाका दुई जनालाई पक्राउ गरेको प्रहरी प्रधान कार्यालयले जानकारी दिएको छ ।

पक्राउ पर्नेमा बैजनाथ गाउँपालिका-६ का १७ वर्षीय एक किशोर र वडा नम्बर २ का ३५ वर्षीय रामबहादुर राना रहेका छन् । प्रहरीले पक्राउ परेका ती किशोरको परिचय भने खुलाएको छैन ।

प्रहरी प्रधान कार्यालयका अनुसार दिनेशलाई विवाह कार्यक्रममा उनीहरुले माघ २५ गते कुटपिट गर्दै गम्भीर घाइते बनाएका थिए । सुरुमा दिनेशलाई उपचारका लागि मेडिकल कलेज कोहलपुर पठाइए पनि उपचार सम्भव नभएपछि लखनउ लगिएको थियो । दिनेशको लखनउमा उपचारका क्रममा आज बिहान मृत्युु भएको प्रहरीले जानकारी दिएको छ ।

प्रहरीले दिएको जानकारी अनुसार कुटपिटबाट अन्य ६ जना घाइते भएका छन् भने उनीहरुको कोहलपुरमा उपचार भइरहेको छ ।

इलाका प्रहरी कार्यालय कोहलपुरले पक्राउ परेका दुई जनासँग थप अनुसन्धान गरिरहेको प्रहरी प्रधान कार्यालयले जानकारी दिएको छ ।

प्रकाशित मिति: आइतबार, माघ २७, २०८१ १७:०९

प्रतिक्रिया दिनुहोस्