महाकुम्भमा नेपालीलाई नि:शुल्क सेवा दिँदै नेपाल-भारत मैत्री संगठन

संस्कृति-साहित्य

गृहपृष्ठ
संस्कृति-साहित्य
महाकुम्भमा नेपालीलाई नि:शुल्क सेवा दिँदै नेपाल-भारत मैत्री संगठन

महाकुम्भमा नेपालीलाई नि:शुल्क सेवा दिँदै नेपाल-भारत मैत्री संगठन

आइतबार, फागुन ११, २०८१ बागेश्वरी पोस्ट

अभिषेक गुप्ता (प्रयागराज) । नेपाल–भारत सम्बन्धमा काम गर्ने स्वैच्छिक संस्था नेपाल भारत मैत्री संगठनले प्रयागराजमा जारी महाकुम्भ मेलामा तीर्थयात्रीका लागि निःशुल्क शिविर सञ्चालन गरेको छ । महाकुम्भ स्नान गर्न आएका नेपाली भक्तजनहरूलाई सहजरुपमा स्नान गराएर आफ्नो घरमा पठाउने काम पनि गरिरहेको नेपाल भारत मैत्री संगठनले जनाएको छ । संगठनले महाकुम्भ सुरु भएदेखि नै उचित व्यवस्थापनका साथ श्रद्धालुहरूलाई स्नान गराएर आफ्नो घर प्रस्थान गर्नलाई नि:शुल्क व्यवस्था गरी सहयोग गर्दै आएको जनाएको छ ।

महाकुम्भलाई सफल बनाउन नेपाल भारत मैत्री संगठनका अन्तर्राष्ट्रिय अध्यक्ष अनुप कुमारले नेपालबाट त्यहाँ पुग्ने भक्तजनको नुहाउने, खाना, बस्न तथा गन्तव्यमा पुर्याउन सहयोग गरेको नेपाल भारत मैत्री संगठनका केन्द्रीय सदस्य आशिष गुप्ताले जानकारी दिए । त्यसै क्रममा अनन्त श्री विभूषित महामंडलेश्वर स्वामी देवस्वरूपानंद सरस्वती महानिर्वाणी अखाड़ामहन्तजीले यो महाकुम्भ १४४ वर्षपछि लागेकोले सबै ग्रह नक्षत्रलाई मिलेको बताए ।

गंगा कल्पवास सेवा आश्रमका संचालक पण्डित उदय गंगा प्रसाद पाण्डेयले महाकुम्भमा मित्र राष्ट्र नेपालबाट आउने भक्तहरूको उत्साहपूर्ण सहभागिता देखेर खुसी अनुभूति भइरहेको बताए । महाकुम्भमा ५६ करोड मान्छेहरु सहभागी भइसकेका छन् । अन्तिम दिन शिवरात्री अर्थात २६ फेब्रुअरीसम्म ७० देखि ८० करोड मान्छेहरुले महाकुम्भको अवलोकन गर्ने आंकलन गरिएको छ ।

प्रकाशित मिति: आइतबार, फागुन ११, २०८१ १८:१०

प्रतिक्रिया दिनुहोस्