बाँकेका एसपी कार्की चेकिङमा आफैं खटिएपछि...

सुरक्षा-अपराध

गृहपृष्ठ
सुरक्षा-अपराध
बाँकेका एसपी कार्की चेकिङमा आफैं खटिएपछि...

बाँकेका एसपी कार्की चेकिङमा आफैं खटिएपछि...

मंगलबार, फागुन २०, २०८१ बागेश्वरी पोस्ट

नेपालगन्ज । बाँकेका एसपी तुलबहादुर कार्की आफैं सडकमा चेकिङमा खटिँदा नियमvविपरीत गुडेका दर्जन बढी सवारीसाधन कारबाहीमा परेका छन् ।

जानकी गाउँपालिका-३ चप्पल कारखाना अगाडिको नेपालगन्ज-खजुरा सडकखण्डमा आज जिल्ला प्रहरी बाँकेका एसपी कार्की सडकमै आफैं खटिएर सवारीसाधनलाई चेकजाँच गरेको जिल्ला प्रहरी कार्यालय बाँकेले जानकारी दिएको छ ।

जिल्ला प्रहरी कार्यालय र जिल्ला ट्राफिक प्रहरी कार्यालय बाँकेबाट आएको टोलीको नेतृत्व गर्दै एसपी कार्कीले सवारी साधनको चेकजाँच, अनुगमन तथा सवारी चालक अनुमति पत्र समेत जाँच गरेका थिए ।

सोही क्रममा एसपी कार्कीले सयौं सवारी साधनका चालकहरुलाई सम्झाइबुझाई समेत गर्दै उनीहरुसँग प्रतिक्रिया लिएका थिए । प्रतिक्रियामा चालकहरुले जिल्ला प्रमुख आफैं आएर चेकिङ गर्दा प्रशंसा गरेका थिए।

तर, बेलाबेलामा ट्राफिक प्रहरीले कागज पत्र नेहेरेरै जरिवानाको चिट काट्ने गरेको गुनासो चालकहरुले सुरक्षाखबरलाई दिएका छन् । उनीहरु भन्छन् -"सबै ठिक हुँदा पनि कुनै न कुनै बहाना बनाएर ट्राफिक प्रहरीले चिट काटिदिने गर्छन्, यो त सरासर गलत हो ।"

नेपालगन्ज र आसपासका स्थानीयहरुले प्रहरी प्रमुख कार्कीलाई एक पटक भए पनि टिपरहरुका कागज पत्र समेत चेक गर्न सुझाब दिएका छन् ।

प्रकाशित मिति: मंगलबार, फागुन २०, २०८१ १४:२९