आजको होलीमा बाँकेका विभिन्न स्थानमा ट्राफिक प्रहरीले सुरु गर्‍यो चेकिङ

सुरक्षा-अपराध

गृहपृष्ठ
सुरक्षा-अपराध
आजको होलीमा बाँकेका विभिन्न स्थानमा ट्राफिक प्रहरीले सुरु गर्‍यो चेकिङ

आजको होलीमा बाँकेका विभिन्न स्थानमा ट्राफिक प्रहरीले सुरु गर्‍यो चेकिङ

शुक्रबार, चैत १, २०८१ बागेश्वरी पोस्ट

नेपालगन्ज । आजको तराईको होली अन्तर्गत बाँकेमा पनि होली खेलिँदैछ । होली सुरक्षा योजना अनुसार बाँके प्रहरी र जिल्ला ट्राफिक प्रहरी कार्यालय बाँकेले जिल्लाभरका विभिन्न स्थानमा संयुक्त चेकिङ सुरु गरेको छ ।

ट्राफिक प्रहरी बाँके प्रमुख प्रहरी निरीक्षक पुष्कर पन्तका अनुसार जिल्ला प्रहरी कार्यालय बाँकेको होली सुरक्षा योजना अनुसार जिल्लाका विभिन्न ठाउँमा चेकपोस्ट खडा गरी चेकिङ भइरहेको छ । मादक पदार्थ सेवन (मापसे), लागू पदार्थ सेवन (लापसे) गरी चलाएका सवारी साधन होल्ड र चालकलाई प्रहरीसँग समन्वय गरी नियन्त्रणमा लिइने प्रहरी निरीक्षक पन्तले बताए ।

होलीमा ट्राफिक नियम उल्लंघन गरी सवारी साधन चलाउने, जिकज्याक चलाउने, तीव्र गतिमा चलाउने, हेलमेट नलगाई चलाउने र तीन जना बोक्ने मोटरसाइकल र स्कुटरहरूलाई पनि होल्ड गरिने उनले बताए ।

बाँकेमा आज बिहानदेखि विभिन्न चेकप्वाइन्टमा ट्राफिक प्रहरी खटिएको उनले बताए । विशेष गरी बाँकेको नेपालगन्जका विभिन्न स्थान, कोहलपुर, नेपालगन्जको जमुनहा नाका, धम्बोझी चोक, राजमार्ग, खजुरा लगायत धेरै स्थानमा चेक प्वाइन्ट खडा गरेर जाँच सुरु गरिएको पन्तले जानकारी दिएका छन् ।

नियम विपरीत सवारी साधन चलाइएको पाए त्यस्ता सवारीसाधनलाई कारबाही गर्दै दिनभर होल्ड गर्न पनि सकिने प्रहरी निरीक्षक पन्तले बताए ।

प्रकाशित मिति: शुक्रबार, चैत १, २०८१ ०८:५७

प्रतिक्रिया दिनुहोस्