८० किलो अवैध बोइलर कुखुरा बरामद

सुरक्षा-अपराध

गृहपृष्ठ
सुरक्षा-अपराध
८० किलो अवैध बोइलर कुखुरा बरामद

८० किलो अवैध बोइलर कुखुरा बरामद

मंगलबार, चैत १२, २०८१ बागेश्वरी पोस्ट

नेपालगन्ज । बाँकेको जानकी गाउँपालिका क्षेत्रबाट प्रहरीले ८० किलो अवैध भारतीय बोइलर कुखुरा बरामद गरेको छ ।

प्रहरी चौकी साईगाउँ र बेलभार प्रहरी चौकीको संयुक्त टोलीले आज दिउँसो साढे २ बजे जानकी-२ बेलभारमा भारतबाट अवैधरुपले तस्करी गरेर ल्याइएको ८० किलो बोइलर कुखुरा बरामद गरेको जिल्ला प्रहरी कार्यालय बाँकेले जानकारी दिएको छ ।

बाँके प्रहरीले बरामद गरिएको अन्दाजी ८० किलो कुखुराको बजार मूल्य झण्डै २४ हजार रुपैयाँ बराबरको रहेको जनाएको छ । बरामद गरिएका अवैध बोइलर कुखुरालाई आबश्यक कारबाही पछि क्वारेन्टाइन कार्यालय नेपालगन्ज पठाइने जिल्ला प्रहरी कार्यालय बाँकेले जानकारी दिएको छ । सोही स्थान नजिकबाट केही दिन अघि पनि साईगाउँ प्रहरीले डेढ क्विन्टल बोइलर कुखुरा, दुई वटा मोटरसाइकलसहित एक जनालाई पक्राउ गरेको थियो ।

प्रकाशित मिति: मंगलबार, चैत १२, २०८१ १५:५३

प्रतिक्रिया दिनुहोस्