परसपुरबाट अवैध डेढ क्विन्टल बोइलर र दुई वटा मोटरसाइकल नियन्त्रणमा

सुरक्षा-अपराध

गृहपृष्ठ
सुरक्षा-अपराध
परसपुरबाट अवैध डेढ क्विन्टल बोइलर र दुई वटा मोटरसाइकल नियन्त्रणमा

परसपुरबाट अवैध डेढ क्विन्टल बोइलर र दुई वटा मोटरसाइकल नियन्त्रणमा

बुधबार, चैत १३, २०८१ बागेश्वरी पोस्ट

नेपालगन्ज । नेपाल प्रहरीले नेपालगन्जको परसपुरबाट भारतदेखि ल्याइएको अन्दाजी डेढ क्विन्टल अवैध बोइलर कुखुरा बरामद गरेको छ ।

जिल्ला प्रहरी कार्यालय बाँके र प्रहरी चौकी साइगाउँको संयुक्त टोलीले नेपालगन्ज -१७ परसपुरबाट अन्दाजी १ सय ५० किलो बोइलर कुखुरा र तस्करीमा प्रयोग भएका दुई वटा मोटरसाइकल समेत बरामद गरेको हो ।

जिल्ला प्रहरी कार्यालय बाँकेका अनुसार आज बिहान १० बजे जिप्रकाबाट गएका प्रहरी वरिष्ठ नायब निरीक्षक नदिरमा खड्का र साइगाउँ प्रहरी चौकी प्रमुख प्रहरी वरिष्ठ नायब निरीक्षक हरि खड्काको संयुक्त टोलीले भारतबाट ल्याएर आइएको उक्त परिमाणको बोइलर कुखुरासहित बा ३५ प ४५९५ र भे ४ प ६३८२ नम्बरका दुई वटा मोटरसाइकल नियन्त्रणमा लिएको हो ।

बरामद गरिएको अवैध कुखुरासहित नियन्त्रणमा लिइएका दुई मोटरसाइकललाई आबश्यक कारबाहीका लागि जिल्ला प्रहरी कार्यालय ल्याइएको बाँके प्रहरीले जानकारी दिएको छ ।

प्रकाशित मिति: बुधबार, चैत १३, २०८१ ११:४४

प्रतिक्रिया दिनुहोस्