नेपालगञ्जमा खैरो हेरोइनसहित दुई जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगञ्जमा खैरो हेरोइनसहित दुई जना पक्राउ

नेपालगञ्जमा खैरो हेरोइनसहित दुई जना पक्राउ

बुधबार, जेठ २१, २०८२ बागेश्वरी पोस्ट

नेपालगञ्ज । नेपालगञ्जमा खैरो हेरोइनसहित दुई जना पक्राउ परेका छन् । नेपालगञ्ज उपमहानगरपालिका वडा नम्बर १४ उदयपुरुवाका ५८ बर्षीय सुरत खटिक र सोही ठाउँका १८ बर्षीय सुनिल खटिक आज दिउँसो १०३ ग्राम ९०० मिलिग्राम खैरो हेरोइनसहित पक्राउ परेका हुन् ।

प्रहरीका अनुसार दुबै जनालाई विशेष सुराकीको आधारमा फेला पारी कानुन बमोजिम खानतलासी गर्दा सुनिलले लगाएको कालो जिन्स पाइन्टको दाहिने खल्तीभित्र लुकाई राखेको अवस्थामा उक्त लागुऔषध भेटिएको हो । उनीहरुबाट एक थान मोबाइल समेत बरामद गरिएको छ ।

लागुऔषध नियन्त्रण ब्यूरो नेपालगञ्जको टोलीले दुई जनालाई नियन्त्रणमा लिएको हो । प्रहरी सहायक निरीक्षक नविन कुमार शाहीको कामाण्डमा टोली खटिएको थियो । उनीहलाई आवश्यक कारवाहीको लागि जिल्ला प्रहरी कार्यालय बाँकेमा बुझाइएको छ ।

प्रकाशित मिति: बुधबार, जेठ २१, २०८२ १८:०९

प्रतिक्रिया दिनुहोस्