नेपालगञ्जमा तारालाल श्रेष्ठको पाँचौं पुस्तक 'साइकल सौन्दर्य' बारे परिचर्चा

संस्कृति-साहित्य

गृहपृष्ठ
संस्कृति-साहित्य
नेपालगञ्जमा तारालाल श्रेष्ठको पाँचौं पुस्तक 'साइकल सौन्दर्य' बारे परिचर्चा

नेपालगञ्जमा तारालाल श्रेष्ठको पाँचौं पुस्तक 'साइकल सौन्दर्य' बारे परिचर्चा

मंगलबार, असार ३, २०८२ बागेश्वरी पोस्ट

नेपालगञ्ज । नेपालगञ्जमा तारालाल श्रेष्ठको पाँचौं पुस्तक साइकल सौन्दर्यबारे परिचर्चा गरिएको छ । त्रिभुवन विश्वविद्यालयमा प्राध्यापनरत डा. श्रेष्ठले लेखेको पुस्तक साइकल सौन्दर्यबारे नेपालगञ्ज साइक्लिंग क्लबले पुस्तक परिचर्चा कार्यक्रम आयोजना गरेको हो । नेपालगञ्ज साइक्लिंग क्लबका अध्यक्ष प्रदिप सापकोटाको अध्यक्षता एवम् साहित्यकार सनत रेग्मीको प्रमुख आतिथ्यतामा कार्यक्रम सम्पन्न भएको थियो ।

May be an image of 11 people, people smiling and text

साइकल सौन्दर्य पुस्तक प्रकृतिमैत्री संस्कृति र सहअस्तिवको प्रतिबिम्बको रुपमा रहेको लेखक श्रेष्ठले बताए । पुस्तक लेखनको गर्भ, पृष्ठभूमि र पुस्तकबारे लेखक श्रेष्ठले प्रकाश पारेका थिए भने साहित्यकार लेक प्रसाद प्याकुरेलले पुस्तकबारे संक्षिप्त समिक्षासंगै परिचर्चा गरेका थिए । श्रेष्ठले बेलायतको साइकल संस्कृतिबाट प्रभावित भएर पुस्तक लेख्न सुरु गरेको बताए । उनले साइकललाई आफ्नो सारथी बनाएको समेत बताए ।

कृति परिचर्चा कार्यक्रममा प्रमुख अतिथि साहित्यकार रेग्मी, लुम्बिनी प्राविधिक विश्वविद्यालयका कृष्ण प्रसाद घिमिरे, नेपाल पत्रकार महासंघ बाँकेका अध्यक्ष नवीन गिरी, साहित्यकार डा. हरि प्रसाद तिमिल्सिना, किरण आचार्य लगायतले साइकल संस्कृति र यसको महत्व बढाउन पुस्तकले भूमिका खेल्ने विश्वास ब्यक्त गरेका थिए । साइकल मितब्ययी, वातावरणमैत्री, स्वास्थ्यबद्र्धक र पर्यटन प्रबद्र्धनका लागि महत्वपूर्ण साधन रहेको बक्ताहरुको भनाई छ ।

वरिष्ठ उपाध्यक्ष सुरेन्द्र दीप कार्कीले सञ्चालन गरेको कार्यक्रममा उपाध्यक्ष कविराम बुढाथोकीले स्वागत मन्तब्य ब्यक्त गरेका थिए ।

May be an image of 11 people and dais