तिमिल्सिनालाई ‘प्रेम प्रकाश मल्ल मधुकर स्मृति पुरस्कार’ प्रदान

संस्कृति-साहित्य

गृहपृष्ठ
संस्कृति-साहित्य
तिमिल्सिनालाई ‘प्रेम प्रकाश मल्ल मधुकर स्मृति पुरस्कार’ प्रदान

तिमिल्सिनालाई ‘प्रेम प्रकाश मल्ल मधुकर स्मृति पुरस्कार’ प्रदान

शनिबार, साउन १०, २०८२ बागेश्वरी पोस्ट

नेपालगञ्ज । साहित्यकार डा. हरिप्रसाद तिमिल्सिनालाई ‘प्रेम प्रकाश मल्ल मधुकर स्मृति पुरस्कार’ प्रदान गरिएको छ । तिमिल्सिनालाई स्वर्गीय मल्लको ९०औं जन्मजयन्तिको अवसरमा आज ५१ हजार १ सय ११ रुपैयाँ राशीको पुरस्कार प्रदान गरिएको हो ।

नेपालगञ्जमा आयोजित एक समारोहका बीच नेपाल प्रज्ञा प्रतिष्ठानका पूर्व सदस्य एवम् महेन्द्र बहुमुखी क्याम्पसका उपप्राध्यापक डा. तिमिल्सिनालाई दोसल्ला ओढाएर सम्मानपत्रसहित पुरस्कृत गरिएको हो । तिमिल्सिनालाई कार्यक्रमका प्रमुख अतिथि एवम् नेपाल प्रज्ञा प्रतिष्ठानका पूर्व सदस्य सचिव सनत कुमार रेग्मी, भेरी साहित्य समाजका अध्यक्ष इन्द्र बहादुर बस्नेत लगायतले पुरस्कृत गरेका थिए । भेरी साहित्य समाजले कार्यक्रम आयोजना गरेको हो ।

वरिष्ठ साहित्यकार, गीतकार तथा संगितकार स्वर्गीय मल्लको सम्झनामा भेरी साहित्य समाज केन्द्रीय समिति नेपालगञ्जले परिवारको सहयोगमा उक्त पुरस्कार स्थापना गरेको हो । वि.सं. १९९३ साउन ११ गते जन्मिएका बहुप्रतिभाका धनी मल्लको २०७२ वैशाख ११ गते निधन भएको थियो ।

प्रकाशित मिति: शनिबार, साउन १०, २०८२ २०:५४

प्रतिक्रिया दिनुहोस्