किसान महासंघ बाँकेले गर्‍यो 'तीज मिलन तथा शुभकामना आदानप्रदान कार्यक्रम'

संस्कृति-साहित्य

गृहपृष्ठ
संस्कृति-साहित्य
किसान महासंघ बाँकेले गर्‍यो 'तीज मिलन तथा शुभकामना आदानप्रदान कार्यक्रम'

किसान महासंघ बाँकेले गर्‍यो 'तीज मिलन तथा शुभकामना आदानप्रदान कार्यक्रम'

बुधबार, भदौ ४, २०८२ बागेश्वरी पोस्ट

नेपालगञ्ज । नेपाली महिलाहरुको महान चाड हरितालिका तीजलाई तडक–भडकपूर्ण नभई अवसरका रूपमा मनाउनुपर्नेमा जोड दिइएको छ । नेपाल किसान महासंघ बाँकेद्वारा ढकेरीमा आयोजित ‘तीज मिलन तथा शुभकामना आदानप्रदान कार्यक्रम’ को अवसरमा सहभागी वक्ताहरूले सामाजिक सद्भाव कायम गर्न सदियौँ पहिलेदेखि मनाउँदै आएको तीज पर्व लगायत अन्य चाड पर्व पनि गहना, कपडाको प्रदर्शन र नाचगान मात्र नगरी प्रतिफल देखिने काम गरी मनाउन आग्रह गरिएको हो ।

कार्यक्रमकी प्रमुख अतिथि लुम्बिनी प्रदेश सांसद तथा नेपाली काँग्रेस बाँकेकी सचिव सञ्जु कुमारी चौधरीले पछिल्ला दिन तीजका नाममा भड्किलोपना र बेथिति बढ्दै गएकोमा दुःखेसो पोखिन् । उनले परम्परागतरुपमा मनाइँदै आएको तीज उच्छृङ्खल हुँदै जाँदा मौलिकतामा ध्यान दिनुपर्ने बताइन् । तीजको नाममा विकृति फैलिरहेको हुँदा यसलाई सभ्य ढंगबाट मनाउन महिला दिदीबहिनीहरुलाई उनले आग्रह गरिन् । उनले भनिन्, 'अहिले तीज धर्म र जात विशेष नभई समाजका सबैले मनाउन थालेर अपनत्व ग्रहण गरिरहेका छन् । यो राम्रो पक्ष हो । तर, तीजको उपवास गर्ने बेलामा महिलाहरुले आफ्नो स्वास्थ्यको ख्याल गर्नुपर्दछ ।’

नेपाल किसान महासंघ बाँकेकी उपाध्यक्ष अस्मिता शाह महतराको अध्यक्षतामा भएको 'तीज मिलन तथा शुभकामना आदानप्रदान कार्यक्रम' मा लुम्बिनी प्रदेश सांसद मिना सिद्दिकी, नेपाली कांग्रेस लुम्बिनी सदस्य अञ्जना पाण्डे, नेपाल किसान महासंघ बाँकेका अध्यक्ष लाहुराम थारु, उपाध्यक्ष याकुव अन्सारी, सचिव ललित कुमार रौनियार, महासंघ केन्द्रिय सदस्य तुलसी थारु र शारदा शर्मा, महासंघ केन्द्रिय प्रतिनिधि कुन्तलराज शर्मा, काँग्रेस महासमिति सदस्यहरु द्रोपती ओली, महाविर ओली, फुलाराम थारु, टेक बहादुर खड्का, लुट बहादुर खत्री, सुलोचना शर्मा, राप्तीसोनारी काँग्रेस सभापति भिम राना, महासंघ क्षेत्र नम्बर–२ सभापति सुरेन्द्र कुमार श्रेष्ठ, महासंघ नेपालगञ्ज नगर सभापति लोक बहादुर शाह, काँग्रेस जिल्ला सदस्य लगायत काँग्रेसका भ्रातृ तथा शुभेच्छुक संघसंगठनका प्रमुख तथा प्रतिनिधिको उपस्थिति रहेको थियो । कार्यक्रम सञ्चालन तारा ओलीले गरेकी थिइन् ।

प्रकाशित मिति: बुधबार, भदौ ४, २०८२ २१:३१

प्रतिक्रिया दिनुहोस्