डाँका चोरी मुद्दामा फरार प्रतिवादी ३० बर्षपछि पक्राउ !

सुरक्षा-अपराध

गृहपृष्ठ
सुरक्षा-अपराध
डाँका चोरी मुद्दामा फरार प्रतिवादी ३० बर्षपछि पक्राउ !

डाँका चोरी मुद्दामा फरार प्रतिवादी ३० बर्षपछि पक्राउ !

बुधबार, कात्तिक १२, २०८२ बागेश्वरी पोस्ट

नेपालगञ्ज । बाँके प्रहरीले डाँका चोरी मुद्दामा फरार रहेका एक जना प्रतिवादीलाई ३० बर्षपछि पक्राउ गरेको छ । पक्राउ पर्नेमा राप्तीसोनारी गाउँपालिका-७ फत्तेपुरका ५० वर्षीय नन्कौ मल्लाह रहेको जिल्ला प्रहरी कार्यालय बाँकेले जानकारी दिएको छ । जिल्ला प्रहरी कार्यालय बाँकेका अनुसार बाँके जिल्ला अदालतले २०५१ चैत ८ गते नन्कौलाई डाँका चोरी मुद्दामा दोषी ठहर गर्दै ५ बर्ष ११ महिना ४ दिन कैद र ५ हजार २८६ रुपैयाँ जरिवानाको फैसला गरेको थियो । अदालतको फैसला पश्चात् फरार रहँदै आएका नन्कौलाई लुकिछिपी बसेको अवस्थामा जिल्ला प्रहरी कार्यालयबाट खटिएको टोलीले पक्राउ गरेको हो । नन्कौलाई आबश्यक कैद भुक्तानका लागि बुधबार बाँके जिल्ला अदालतमा पेश गरिएको जिल्ला प्रहरी कार्यालय बाँकेले जनाएको छ ।

प्रकाशित मिति: बुधबार, कात्तिक १२, २०८२ १९:०२

प्रतिक्रिया दिनुहोस्