'प्रो-एक्टिभ' भएर काम गर्छु-प्रहरी निरीक्षक खड्का

सुरक्षा-अपराध

गृहपृष्ठ
सुरक्षा-अपराध
'प्रो-एक्टिभ' भएर काम गर्छु-प्रहरी निरीक्षक खड्का

'प्रो-एक्टिभ' भएर काम गर्छु-प्रहरी निरीक्षक खड्का

मंगलबार, कात्तिक १८, २०८२ बागेश्वरी पोस्ट

नेपालगन्ज । वडा प्रहरी कार्यालय नेपालगन्जका इन्चार्ज प्रहरी निरीक्षक शेखर खड्काले 'प्रो-एक्टिभ' भएर काम गर्ने बताएका छन् । भर्खरै सरुवा भएर आएका खड्काले आज विहान आफ्नै कार्यालयमा पत्रकारहरुसंग 'परिचयात्मक कार्यक्रम' गरेका थिए । त्यसक्रममा उनले 'रियाक्टिभ' ढंगले काम गर्ने परिपाटी बदलेर 'प्रो-एक्टिभ' भएर काम गर्ने बताए ।

प्रहरी निरीक्षक खड्काले नेपालगन्जको संवेदनशिलतालाई ध्यान दिँदै शान्ति सुव्यवस्था कायम गर्न प्रतिबद्ध भएर लाग्ने बताए । उनले संचारमैत्री भएर काम गर्ने प्रतिबद्धता जनाउँदै शान्ति सुव्यवस्था कायम गर्न तथा अपराध नियन्त्रणका लागि पत्रकारहरुबाट पनि आवश्यक सूचनाको अपेक्षा राखेको बताए ।

प्रहरी निरीक्षक खड्काले सीमा अपराध नियन्त्रण, लागूऔषध रोकथाम लगायतका विषय प्राथमिकतामा राख्ने बताए । कार्यक्रममा नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाई, बाँके शाखा अध्यक्ष नवीन गिरी लगायतले पत्रकारहरुलाई सहज सूचना प्रवाह, समन्वय, सहकार्य तथा मिडियामैत्री भएर कार्य सम्पादन गर्न सुझाव दिएका थिए ।

प्रकाशित मिति: मंगलबार, कात्तिक १८, २०८२ ११:३७

प्रतिक्रिया दिनुहोस्