नेपालगन्जबाट १० ग्राम बढी खैरो हेरोइनसहित ३ जना प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
नेपालगन्जबाट १० ग्राम बढी खैरो हेरोइनसहित ३ जना प्रहरीको नियन्त्रणमा

नेपालगन्जबाट १० ग्राम बढी खैरो हेरोइनसहित ३ जना प्रहरीको नियन्त्रणमा

बिहीबार, कात्तिक २७, २०८२ बागेश्वरी पोस्ट

नेपालगन्ज । बाँकेको नेपालगन्जबाट ठूलो परिमाणको लागुऔषध खैरो हेरोइनसहित प्रहरीले ३ जनालाई पक्राउ गरेको छ ।

लागुऔषध खरिद बिक्री भइरहेको विशेष सूचनाका आधारमा लागुऔषध नियन्त्रण ब्यूरो शाखा कार्यालय नेपालगन्ज र वडा प्रहरी कार्यालय नेपालगन्जबाट खटिएको टोलीले नेपालगन्ज उपमहानगरपालिकाका दुई स्थानबाट १० ग्राम ४६० मिलिग्राम खैरो हेरोइनसहित एक युवती र दुई युवक गरी ३ जनालाई पक्राउ गरेको हो ।

प्रहरीका अनुसार बुधबार साँझ साढे ६ बजे नेपालगन्ज-९ का ४९ वर्षीय नरेश खटिक र सुर्खेतको गुर्भाकोट नगरपालिका-७ घर भई हाल नेपालगन्ज-१३ स्थित बुलबुलिया नजिक डेरा गरी बस्दै आएकी ४० वर्षीया सुनिता परियारलाई ८ ग्राम ४६० मिलिग्राम खैरो हेरोइन र दुई थान मोबाइलसहित पक्राउ गरिएको हो ।

कोठामै खैरो हेरोइनको कारोबार गरिरहेको अवस्थामा पक्राउ परेका उनीहरुलाई आबश्यक कारबाहीका लागि वडा प्रहरी कार्यालय नेपालगन्ज बुझाइएको बाँके प्रहरीले जानकारी दिएको छ ।

त्यसैगरी लागुऔषध नियन्त्रण ब्यूरो र वडा प्रहरी कार्यालयकै टोलीले नेपालगन्ज-१६ स्थित जयसपुरबाट २ ग्राम खैरो हेरोइनसहित २४ वर्षीय युवक सल्मान कबाडियालाई पक्राउ गरेको छ ।

नेपालगन्ज-१५ घर भएका सल्मानलाई बुधबार राति खैरो हेरोइनको बिक्री गर्न जान लागेको अवस्थामा पक्राउ गरी आबश्यक कारबाही तथा अनुसन्धानका लागि वडा प्रहरी कार्यालय नेपालगन्जमा बुझाएको प्रहरीले जनाएको छ ।