राप्तीसोनारीको अगैया नजिक बसको ठक्करबाट मोटरसाइकल चालक गम्भीर घाइते

सुरक्षा-अपराध

गृहपृष्ठ
सुरक्षा-अपराध
राप्तीसोनारीको अगैया नजिक बसको ठक्करबाट मोटरसाइकल चालक गम्भीर घाइते

राप्तीसोनारीको अगैया नजिक बसको ठक्करबाट मोटरसाइकल चालक गम्भीर घाइते

सोमबार, मंसिर १, २०८२ बागेश्वरी पोस्ट

तस्बिर-बसन्त वली

बाँके । बाँकेको राप्तीसोनारी गाउँपालिकास्थित पूर्व-पश्चिम राजमार्गमा बसले मोटरसाइकललाई ठक्कर दिँदा एक जना गम्भीर घाइते भएका छन्।

जिल्ला ट्राफिक प्रहरी कार्यालय बाँकेका अनुसार आज बिहान काठमाडौंबाट सुर्खेत जाँदै गरेको कर्णाली प्रदेश ०२-००१ ख नं. को बसले कोहलपुरबाट दाङतर्फ जाँदै गरेको भे १३ प ११८३ नं. को मोटरसाइकललाई राप्तीसोनारी गाउँपालिका-१ स्थित अगैया नजिक ठक्कर दिएको थियो ।

बसको ठक्करबाट कन्चनपुर घर भएका ४७ वर्षीय कृष्ण घर्ती क्षेत्री गम्भीर घाइते भएको ट्राफिक प्रहरी बाँकेले जानकारी दिएको छ । ट्राफिक प्रहरीले कृष्णलाई उद्धार गरेर कोहलपुर अस्पतालमा लगिएको र उपचार जारी रहेको जनाएको छ ।

ठक्कर दिने बसलाई जिल्ला ट्राफिक प्रहरी कार्यालय बाँके र चालकलाई इलाका प्रहरी कार्यालय कोहलपुरले नियन्त्रणमा लिएर थप अनुसन्धान अगाडि बढाएको जिल्ला ट्राफिक प्रहरी कार्यालय बाँकेले जानकारी दिएको छ ।

बस र चालकलाई नियन्त्रण लिएपछि उक्त बसमा सवार सबै यात्रुहरुलाई अर्को बसबाट सुर्खेत पठाइएको ट्राफिक प्रहरीले जनाएको छ ।

प्रकाशित मिति: सोमबार, मंसिर १, २०८२ १०:१५

प्रतिक्रिया दिनुहोस्