अगैया नजिक बसको ठक्करबाट घाइते भएका मोटरसाइकल चालकको उपचारका क्रममा मृत्यु

सुरक्षा-अपराध

गृहपृष्ठ
सुरक्षा-अपराध
अगैया नजिक बसको ठक्करबाट घाइते भएका मोटरसाइकल चालकको उपचारका क्रममा मृत्यु

अगैया नजिक बसको ठक्करबाट घाइते भएका मोटरसाइकल चालकको उपचारका क्रममा मृत्यु

सोमबार, मंसिर १, २०८२ बागेश्वरी पोस्ट

बाँके । अपडेट: बाँकेको राप्तीसोनारी गाउँपालिकास्थित पूर्व पश्चिम राजमार्गमा बसले मोटरसाइकललाई ठक्कर दिँदा गम्भीर घाइते भएका चालकको उपचारका क्रममा मृत्यु भएको छ ।

जिल्ला ट्राफिक प्रहरी कार्यालय बाँकेका अनुसार आज बिहान काठमाडौंबाट सुर्खेत जाँदै गरेको कर्णाली प्रदेश ०२-००१ ख नं. को बसले कोहलपुरबाट दाङतर्फ जाँदै गरेको भे १३ प ११८३ नं. को मोटरसाइकललाई राप्तीसोनारी गाउँपालिका-१ स्थित अगैया नजिक सडकमा ठक्कर दिएको थियो ।

बसको ठक्करबाट गम्भीर घाइते भएका कन्चनपुर घर भएका ४७ वर्षीय कृष्ण घर्ती क्षेत्रीको उपचारका क्रममा कोहलपुरस्थित मेडिकल कलेजमा आज बिहान पौने ९ बजे मृत्यु भएको जिल्ला ट्राफिक प्रहरी कार्यालय बाँकेले जानकारी दिएको छ ।

ठक्कर दिने बसलाई जिल्ला ट्राफिक प्रहरी कार्यालय बाँके र चालकलाई इलाका प्रहरी कार्यालय कोहलपुरले नियन्त्रणमा लिएर थप अनुसन्धान अगाडि बढाएको जिल्ला ट्राफिक प्रहरी कार्यालय बाँकेले जानकारी दिएको छ ।

प्रकाशित मिति: सोमबार, मंसिर १, २०८२ १२:१०

प्रतिक्रिया दिनुहोस्