लागुऔषधसहित ६ जना नियन्त्रणमा

सुरक्षा-अपराध

गृहपृष्ठ
सुरक्षा-अपराध
लागुऔषधसहित ६ जना नियन्त्रणमा

लागुऔषधसहित ६ जना नियन्त्रणमा

सोमबार, वैशाख ७, २०८३ बागेश्वरी पोस्ट

नेपालगञ्ज । बाँकेका विभिन्न स्थानबाट प्रहरीले लागुऔषधसहित ६ जनालाई नियन्त्रणमा लिएको छ । बाँके प्रहरीले गरेको लागुऔषधविरुद्धको कारबाहीमा नेपालगन्ज उपमहानगरपालिका र जानकी गाउँपालिका क्षेत्रबाट एक किशोरसहित ६ जनालाई पक्राउ गरिएको बाँके प्रहरीले जानकारी दिएको छ ।

बाँके प्रहरीका अनुसार नेपालगन्ज उपमहानगरपालिका–२० स्थित आयल निगम नजिकबाट राप्तीसोनारी गाउँपालिका–२ बस्ने ३४ वर्षीय पूर्ण बहादुर विकलाई २ ग्राम २९ मिलिग्राम ब्राउनसुगरसहित आइतबार राति पक्राउ गरिएको हो । त्यसैगरी, जानकी गाउँपालिका–६ ओडारपुरबाट नेपालगन्ज उपमहानगरपालिका–२० बस्ने १८ वर्षीय किशोरलाई २ सय ४० मिलिग्राम ब्राउनसुगरसहित आइतबार दिउँसो प्रहरीले पक्राउ गरेको छ ।

प्रहरी चौकी गनापुरबाट खटिएको टोलीले गरेको थप अनुसन्धानका क्रममा जानकी गाउँपालिका–६ बस्ने २९ वर्षीय राहुल बर्माको घरमा तलासी गर्दा ५ सय मिलिग्राम ब्राउनसुगर बरामद गरिएको छ । सोही क्रममा राहुल बर्मासहित लागूऔषध खरिद गर्न आएका नेपालगञ्ज–२० बस्ने ४२ वर्षीय जाकिर कुर्मी र ३० वर्षीय साहरूख खान बेहनालाई पनि प्रहरीले नियन्त्रणमा लिएको जिल्ला प्रहरी कार्यालय बाँकेले जनाएको छ ।

यसैबीच, नेपालगन्ज उपमहानगरपालिका–१४ भवानियापुरबाट ३३ वर्षीय अकबर अलीलाई १ सय ६० मिलिग्राम ब्राउनसुगरसहित आइतबार साँझ पक्राउ गरिएको हो । अकबरलाई इलाका प्रहरी कार्यालय हिरमिनियाले पक्राउ गरेको हो । पक्राउ परेकाहरूविरुद्ध बाँके प्रहरीले थप आवश्यक अनुसन्धान गरिरहेको जनाएको छ ।

प्रकाशित मिति: सोमबार, वैशाख ७, २०८३ १५:०४

प्रतिक्रिया दिनुहोस्