लागुऔषध कारोबारीलाई नियन्त्रणमा लिन गोली चल्यो, तीन जना पक्राउ

सुरक्षा-अपराध

गृहपृष्ठ
सुरक्षा-अपराध
लागुऔषध कारोबारीलाई नियन्त्रणमा लिन गोली चल्यो, तीन जना पक्राउ

लागुऔषध कारोबारीलाई नियन्त्रणमा लिन गोली चल्यो, तीन जना पक्राउ

शनिबार, वैशाख १२, २०८३ बागेश्वरी पोस्ट

नेपालगन्ज । नेपालगन्जमा प्रहरीले गोली चलाएको छ । बाँके प्रहरीले ३ राउन्ड हवाई फायर गर्दै ठूलो परिमाणमा लागुऔषध खैरो हेरोइन बरामद गरेको हो ।

आज दिउँसो साढे ३ बजे नेपालगन्ज -२२ शान्ति चोकमा लागुऔषध कारोबारीलाई नियन्त्रणमा लिने क्रममा प्रहरीले ३ राउन्ड हवाइ फायर गर्दै सोही स्थानकै २८ वर्षीय दिनेश बास्कोटा, ३६ वर्षीय नुर मोहम्मद टगरिया र सोही स्थानकै २९ वर्षीय फिरोज साहीलाई नियन्त्रणमा लिँदै ३७० ग्राम ग्राम खैरो हेरोइन बरामद जिल्ला प्रहरी कार्यालय बाँकेले जानकारी दिएको छ ।

विशेष सूचनाका आधारमा लागुऔषध नियन्त्रण ब्यूरो शाखा कार्यालय नेपालगन्ज र जिल्ला प्रहरी कार्यालय बाँकेको टोलीलाई देखेर उनीहरुले आक्रमणको प्रयास गरेर भाग्ने क्रममा नियन्त्रणमा लिन प्रहरीले ३ राउन्ड हवाई फायर गरेको जनाएको छ । घटनास्थलबाट प्रहरीको टोलीले उक्त परिमाणको खैरो हेरोइनसहित तीन थान मोबाइल र मोबाइल भे ४ प ३९४८ नम्बरको मोटरसाइकल समेत बरामद गरेको छ ।

पक्राउ परेका उनीहरुलाई जिल्ला प्रहरी कार्यालय बाँकेको हिरासतमा राखेर अनुसन्धान अगाडि बढाइएको प्रहरीले जनाएको छ ।

प्रकाशित मिति: शनिबार, वैशाख १२, २०८३ १९:०६

प्रतिक्रिया दिनुहोस्