विशेष अपरेशनमा बाँकेबाट एकै दिन २२ फरार प्रतिवादी पक्राउ

सुरक्षा-अपराध

गृहपृष्ठ
सुरक्षा-अपराध
विशेष अपरेशनमा बाँकेबाट एकै दिन २२ फरार प्रतिवादी पक्राउ

विशेष अपरेशनमा बाँकेबाट एकै दिन २२ फरार प्रतिवादी पक्राउ

मंगलबार, वैशाख १५, २०८३ बागेश्वरी पोस्ट

नेपालगन्ज । जिल्ला प्रहरी कार्यालय बाँकेले फरार प्रतिवादी पक्राउ गर्ने विशेष अभियान अन्तर्गत एकै दिन २२ जनालाई नियन्त्रणमा लिएको छ । जिल्ला प्रहरी कार्यालय बाँकेका अनुसार सोमबार सञ्चालन गरिएको उक्त अपरेशनमा जिल्ला प्रहरी कार्यालय, वडा प्रहरी कार्यालय नेपालगन्ज तथा फैसला कार्यान्वयन टोलीको संयुक्त सक्रियतामा विभिन्न मुद्दाका २२ फरार प्रतिवादीहरू पक्राउ परेका हुन् ।

अदालतबाट फैसला भइसकेपछि लामो समयदेखि फरार रहँदै आएका ती प्रतिवादीहरू जिल्लाका विभिन्न स्थानमा लुकिछिपी बसिरहेको अवस्थामा पक्राउ गरिएको प्रहरीले जनाएको छ । पक्राउ परेका सबै २२ जनालाई सोमबार नै आवश्यक कारबाहीका लागि बाँके जिल्ला अदालतमा पेश गरिएको जिल्ला प्रहरी कार्यालय बाँकेले जानकारी दिएको छ ।

प्रकाशित मिति: मंगलबार, वैशाख १५, २०८३ ११:१४

प्रतिक्रिया दिनुहोस्