सीमामा कडाईः दुई महिनामा २ करोड ७३ लाखको अवैध सामान बरामद

सुरक्षा-अपराध

गृहपृष्ठ
सुरक्षा-अपराध
सीमामा कडाईः दुई महिनामा २ करोड ७३ लाखको अवैध सामान बरामद

सीमामा कडाईः दुई महिनामा २ करोड ७३ लाखको अवैध सामान बरामद

बुधबार, वैशाख १६, २०८३ बागेश्वरी पोस्ट

नेपालगञ्ज । सशस्त्र प्रहरी बल नेपाल नं. ३० गण हेडक्वार्टर बागेश्वरी बाँकेले करोडौँ रुपैयाँ बराबरको अवैध सामान नियन्त्रणमा लिएको छ । जिल्लाका विभिन्न नाका तथा संवेदनशील क्षेत्रहरूमा निरन्तर निगरानी र कारबाही सञ्चालन गर्दै सशस्त्र प्रहरी बाँकेले २ करोड ७३ लाख १८ हजार ७५८ रुपैयाँ बराबरको अवैध सामान बरामद गरेको जनाएको छ।

सशस्त्र प्रहरीका अनुसार गत फागुन १६ गतेदेखि वैशाख १६ गतेसम्म बरामद गरिएको उक्त रकममध्ये २ करोड २९ लाख २० हजार २९६ रुपैयाँ बराबरको अवैध सामान भन्सार कार्यालयमा बुझाइएको छ । त्यस्तै, ४ लाख ९२ हजार ६९० रुपैयाँ बराबरको काठ बरामद गरी डिभिजन वन कार्यालयमा बुझाइएको जनाइएको छ ।

यसैगरी, ३९ लाख ७९ हजार ७७२ रुपैयाँ बराबरको सामान नष्ट गरिएको छ भने बरामद गरिएको श्रोत नखुलेको ७ लाख २६ हजार रुपैयाँ सम्बन्धित निकायमा दाखिला गरिएको सशस्त्र प्रहरीले जनाएको छ ।

सशस्त्र प्रहरीले जिल्लाको सीमा सुरक्षा, सीमा अपराध नियन्त्रण, मानव बेचबिखनविरुद्धको अभियान तथा विपद् व्यवस्थापन अन्तर्गत उद्धार कार्यलाई समान प्राथमिकताका साथ अघि बढाउँदै आएको जनाएको छ ।

प्रकाशित मिति: बुधबार, वैशाख १६, २०८३ १९:५७

प्रतिक्रिया दिनुहोस्