नौबस्ता कारागारबाट भागेका कैदी बाँके प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
नौबस्ता कारागारबाट भागेका कैदी बाँके प्रहरीको नियन्त्रणमा

नौबस्ता कारागारबाट भागेका कैदी बाँके प्रहरीको नियन्त्रणमा

बिहीबार, जेठ ७, २०८३ बागेश्वरी पोस्ट

नेपालगञ्ज । जिल्ला प्रहरी कार्यालय बाँकेले जेनजी आन्दोलनको क्रममा फरार रहेका एक कैदीलाई पक्राउ गर्न सफल भएको छ । जिल्ला प्रहरी कार्यालय बाँकेका अनुसार २०८२ भदौ २४ गते नौबस्ता कारागारबाट फरार भएका वर्षीय कैदीलाई विशेष सूचनाको आधारमा खटिएको प्रहरी टोलीले बुधबार साँझ नेपालगञ्ज उपमहानगरपालिका–६ बाट पक्राउ गरेको हो ।

पक्राउ पर्नेमा जाजरकोटको नलगाड नगरपालिका–३ निवासी कमल थापा रहेको प्रहरीले जानकारी दिएको छ । कैदी थापा विरुद्ध जबरजस्ती करणी मुद्दामा फैसला भई चार वर्ष कैद सजाय तथा तीन लाख रुपैयाँ जरिवाना तोकिएको थियो । उनी सजाय भुक्तानको क्रममा कारागारबाट फरार भएका थिए ।पक्राउपछि थापालाई आवश्यक कारबाहीका लागि नौबस्ता कारागार चलान गरिएको जिल्ला प्रहरी कार्यालय बाँकेले जनाएको छ ।

प्रकाशित मिति: बिहीबार, जेठ ७, २०८३ २०:४५

प्रतिक्रिया दिनुहोस्