विपद् उद्धारका लागि १३४ गोताखोरसहित २६ हजार तयारी अवस्थामा

समाचार

गृहपृष्ठ
समाचार
विपद् उद्धारका लागि १३४ गोताखोरसहित २६ हजार तयारी अवस्थामा

विपद् उद्धारका लागि १३४ गोताखोरसहित २६ हजार तयारी अवस्थामा

बुधबार, जेठ १३, २०८३ बागेश्वरी पोस्ट

सशस्त्र प्रहरीको विपद् उद्धार टोली

काठमाडौँ । विपद्जन्य घटनाको खोज तथा उद्धारका लागि सशस्त्र प्रहरी बल, नेपालका १३४ गोताखोरसहित २६ हजार बढी सुरक्षाकर्मी तयारी अवस्थामा राखिएको छ ।

सरकारले विपद्जन्य घटनाको खोज तथा उद्धारका लागि नेपाली सेना, नेपाल प्रहरी र सशस्त्र प्रहरीबाट तयार पारिएका जनशक्ति आवश्यकता अनुसार देशभर परिचालन हुन निर्देशन दिएको हो ।

खोज तथा उद्धारका लागि नेपाली सेनाबाट ७ हजार ५२४, नेपाल प्रहरीबाट १० हजार ५८५ र सशस्त्र प्रहरीबाट १३४ गोताखोरसहित ८ हजार ११० जना तयारी अवस्थामा राखिएको छ । यी जनशक्ति ७७ वटै जिल्लामा आवश्यकता अनुसार परिचालन गरिने बताइएको छ । यस बाहेक जिल्लागत रूपमा उपलब्ध थप जनशक्ति समेत आवश्यकता अनुसार परिचालन गरिनेछ ।

यस वर्ष मनसुनजन्य विपद्का कारण देशभर ५१ हजार ८६८ घरपरिवारका २ लाख २६ हजार ६६१ जना प्रभावित हुन सक्ने अनुमान गरिएको छ ।

प्रकाशित मिति: बुधबार, जेठ १३, २०८३ ११:१७

प्रतिक्रिया दिनुहोस्