कांग्रेस क्षेत्र नम्बर २ बाँकेको सभापतिमा चौधरी र शाहको प्रतिष्पर्धा

राजनीति

गृहपृष्ठ
राजनीति
कांग्रेस क्षेत्र नम्बर २ बाँकेको सभापतिमा चौधरी र शाहको प्रतिष्पर्धा

कांग्रेस क्षेत्र नम्बर २ बाँकेको सभापतिमा चौधरी र शाहको प्रतिष्पर्धा

आइतबार, असोज ११, २०८३ बागेश्वरी पोस्ट

नेपालगन्ज । नेपाली कांग्रेस बाँके क्षेत्र नम्बर २ को क्षेत्रीय सभापतिमा नरेन्द्रकुमार चौधरी (पप्पु) र विरेन्द्रबहादुर शाहबीच प्रतिष्पर्धा हुने भएको छ । नेपाली कांग्रेसका १५औं महाधिवेशन अन्तर्गत क्षेत्र नम्बर २ को नेतृत्वका लागि चौधरी र शाहले प्रतिष्पर्धा गर्ने भएका हुन् । आइतबार दुबै जनाले क्षेत्रीय सभापति पदमा मनोनयन दर्ता गराएका हुन् ।

चौधरी डुडुवा गाउँपालिकाका अध्यक्ष हुन् भने शाह नेपाल तरुण दल बाँकेका अध्यक्ष हुन् । १४औं महाधिवेशनमा पनि शाहले क्षेत्रीय सभापतिमा प्रतिष्पर्धा गरेका थिए । त्यसबेला उनी रमेशकुमार गुप्तासंग पराजित भएका थिए । क्षेत्र नम्बर २ मा सोमबार निर्वाचन हुनेछ ।

क्षेत्र नम्बर १ र ३ मा भने सोमबार मात्रै मनोनयन हुनेछ । प्रतिनिधिसभा क्षेत्रीय अधिवेशन र प्रदेश सभा क्षेत्र अधिवेशन एक साथ हुँदैछ । क्षेत्रीय अधिवेशनबाट केन्द्र र प्रदेशका लागि महाधिवेशन तथा प्रदेश अधिवेशनका प्रतिनिधि छनौट हुनेछन् ।

यसैबीच प्रतिनिधि सभा क्षेत्र नम्बर २ प्रदेश सभा क्षेत्र (क) को कार्यसमिति र प्रदेश प्रतिनिधि निर्विरोध भएका छन् । प्रदेश (क) सभापति बेल बहादुर बोहरा निर्विरोध भएका छन् ।

May be an image of blueprint, ticket stub and text