राप्ती नदीमा बाढी तथा डुबान सम्बन्धी 'कृत्रिम घटना अभ्यास'

समाचार

गृहपृष्ठ
समाचार
राप्ती नदीमा बाढी तथा डुबान सम्बन्धी 'कृत्रिम घटना अभ्यास'

राप्ती नदीमा बाढी तथा डुबान सम्बन्धी 'कृत्रिम घटना अभ्यास'

बिहीबार, जेठ १४, २०८३ बागेश्वरी पोस्ट

नेपालगञ्ज । जिल्ला विपद् व्यवस्थापन समिति बाँकेको आयोजनामा बाढी तथा डुबान सम्बन्धी कृत्रिम घटना अभ्यास विहीवार राप्ती नदी सिधनियाघाटमा सम्पन्न भएको छ । मनसुन केन्द्रित कृत्रिम घटना अभ्यासमा जिल्ला आपतकालीन कार्य संचालन केन्द्रबाट सूचना प्रवाह, नेपाल आर्मी र सशस्त्र प्रहरीबाट खोज तथा उद्धार, नेपाल प्रहरीद्वारा घाइतेको भूमिका र नेपाल रेडक्रस सोसाइटी तथा नेपाली सेनाको टिमले मेडिकल र प्राथमिक उपचार सेवा प्रदान गरी घाइतेलाई एम्बुलेन्सबाट अस्पालसम्म पुर्याइएको परिदृष्य देखाइएको थियो । टाउकोमा चोटपटक, खुट्टाबाट ठूलो रक्तश्राव र भँचाई, नाडीको बन्द भँचाई, बेहोसी, मुटु र फोक्सो पुनःसंचालन प्रक्रिया (सि.पी.आर.) घाइतेको बार्गिकरण (ट्रियाज) पानीमा डुबेर पेटमा भरेको पानी निकल्ने विधिको प्रदर्शन गरिएको थियो ।

जिल्ला विपद् व्यवस्थापन समिति बाँकेका अध्यक्ष एवं प्रमुख जिल्ला अधिकारी दिलकुमार तामाङ, नेपाली सेना, सशस्त्र प्रहरी, नेपाल प्रहरीका प्रमुख, नेपाल रेडक्रस सोसाइटीका महामन्त्री मीनबहादुर मल्ल, बाँके शाखाका सभापति गोवर्धन सिंह सम्झना, डुडुवा गाउँपालिकाका जनप्रतिनिधि, युनिसेफ नेपाल लगायत सरकारी तथा गैरसरकारी निकायका प्रतिनिधि र स्थानीय समुदायको सहभागिता रहेको थियो । उक्त अभ्यासमा नेपाल रेडक्रस सोसाइटी बाँके शाखाका कार्यक्रम अधिकृत एवं प्राथमिक उपचार प्रशिक्षक प्रहलाद विश्वकर्माको नेतृत्वमा परिचालित प्राथमिक उपचार टिममा शिवकुमार वर्मा, शुशिल चौधरी, मोना रोका, मीरा अधिकारी, रबीन्द्र मिश्रा लगायत ११ जनाको टिम रहेको थियो ।

प्रकाशित मिति: बिहीबार, जेठ १४, २०८३ २०:४८

प्रतिक्रिया दिनुहोस्