नेपालगञ्जमा दोस्रो 'माननीय' कप क्रिकेट प्रतियोगिता सुरु

खेलकुद

गृहपृष्ठ
खेलकुद
नेपालगञ्जमा दोस्रो 'माननीय' कप क्रिकेट प्रतियोगिता सुरु

नेपालगञ्जमा दोस्रो 'माननीय' कप क्रिकेट प्रतियोगिता सुरु

मंगलबार, जेठ १९, २०८३ बागेश्वरी पोस्ट

नेपालगञ्ज । नेपालगञ्जमा आजदेखि दोस्रो 'माननीय' कप क्रिकेट प्रतियोगिता सुरु भएको छ । अन्तर वडा स्तरीय प्रतियोगिताको लुम्बिनी प्रदेशसभा सदस्य अम्बिका काफ्लेले उद्घाटन गरिन् । भेरी रकर्स स्पोर्ट्स क्लब नेपालगञ्जको आयोजनामा सुरु भएको प्रतियोगितामा नेपालगञ्जका १६ वटा वडा सहभागी छन् । लुम्बिनी प्रदेश सामाजिक विकास डिभिजन कार्यालय नेपालगञ्जको आर्थिक सहयोगमा प्रतियोगिता आयोजना गरिएको क्लबका महासचिव साहिल अन्सारीले बताए ।

विशाल चोकस्थित खुला मैदानमा सुरु भएको प्रतियोगिताको उद्घाटन कार्यक्रम क्लबका अध्यक्ष मो. साजिद खानको अध्यक्षता एवम् लुम्बिनी प्रदेशसभा सदस्य काफ्लेको प्रमुख आतिथ्यतामा सम्पन्न भएको हो । कार्यक्रममा बोल्दै प्रदेशसभा सदस्य काफ्लेले क्रिकेटको विकास र नयाँ खेलाडी उत्पादनका लागि आफूले गत बर्षदेखि सहयोग गर्दै आएको बताउँदै भविष्यमा पनि निरन्तरता दिने बताइन् ।

May be an image of temple, dais and text that says 'दोसो मानर्न क्रिकेट प्रतियोरि अन्तर वडा स्तरीर उद्घाठन का आा्विक स्धीम मৃমििিবी पिनी जमর सरকार मामातििक विकास मन्बानदय tren या र्न सাमजय निरेजनानय सामाजिक विकास अिजिजन कायलय नेवानगन থাক'

त्यस अवसरमा नेपालगञ्ज उपमहानगरपालिका वडा नम्बर ४ की वडा सदस्य रुमिता श्रेष्ठ, नेपाल पत्रकार महासंघ बाँकेका अध्यक्ष नवीन गिरी, बास नेपालका अध्यक्ष शिव कुमार बर्मा, समाजसेवी डिला शाह लगायतले शुभकामना मन्तब्य ब्यक्त गर्दै नेपालगञ्ज क्रिकेटको उर्वरभूमि भएको र यहाँबाट प्रतिभावान खेलाडी उत्पादन गर्न यस्ता प्रतियोगिताले सहयोग गर्ने विश्वास ब्यक्त गरे । प्रतियोगिता एक सातासम्म सञ्चालन हुने बताइएको छ ।

No photo description available.