लागुऔषधविरुद्ध सचेतना फैलाउन नेपालगञ्जमा प्रभातफेरी

समाचार

गृहपृष्ठ
समाचार
लागुऔषधविरुद्ध सचेतना फैलाउन नेपालगञ्जमा प्रभातफेरी

लागुऔषधविरुद्ध सचेतना फैलाउन नेपालगञ्जमा प्रभातफेरी

शुक्रबार, असार १२, २०८३ बागेश्वरी पोस्ट

नेपालगञ्ज । ३९औँ लागुऔषध दुरुपयोग तथा ओसारपसार विरुद्धको अन्तर्राष्ट्रिय दिवसको अवसरमा नेपालगञ्जमा सचेतनामूलक प्रभातफेरी तथा अन्तरक्रिया कार्यक्रम सम्पन्न गरिएको छ । जिल्ला प्रशासन कार्यालय बाँके तथा नेपालगञ्ज उपमहानगरपालिकाको आयोजना एवम् लागुऔषधविरुद्ध क्रियाशील विभिन्न संघसंस्थाको समन्वय र सहकार्यमा शुक्रबार बिहान प्रभातफेरी आयोजना गरिएको हो । सप्ताहव्यापी कार्यक्रम अन्तर्गत जयसपुरदेखि जमुनाहा नाकासम्म सचेतनामूलक प्रभातफेरी गरिएको थियो ।

प्रभातफेरीपछि जमुनाहा नाकामा आयोजित कार्यक्रममा प्रमुख जिल्ला अधिकारी दिलकुमार तामाङको अध्यक्षता तथा नेपालगञ्ज उपमहानगरपालिकाका नगर प्रमुख प्रशान्त विष्टको प्रमुख आतिथ्यता रहेको थियो । कार्यक्रमलाई सम्बोधन गर्दै नगर प्रमुख विष्टले लागुऔषधको समस्या अहिले घरघरको दशा बनेको उल्लेख गर्दै यो समस्या कुनै एक व्यक्ति वा परिवारको मात्र नभई सम्पूर्ण समाजको साझा चुनौती भएको उल्लेख गरे । यसको नियन्त्रणका लागि स्थानीय तह, सुरक्षा निकाय, अभिभावक, विद्यालय तथा नागरिक समाजबीच प्रभावकारी सहकार्य आवश्यक रहेको विष्टको भनाइ छ । उनले युवालाई सकारात्मक सोच, सीप र रोजगारीसँग जोड्न सके लागुऔषधको जोखिम न्यूनीकरण गर्न सकिने बताए ।

May be an image of ‎one or more people and ‎text that says '‎TM የማዓታት 착시발의 የሚባ adn sreyn श्वविद्यालय सस्थान अघ्ययन मरामर ទ عمء ३९ आ लागू औषध दुरुपयोग विरुद्को अन्तराष्ट्रिय दिवस-२०२६ दिवस-

प्रमुख जिल्ला अधिकारी तामाङले लागुऔषध नियन्त्रणमा कानुनी कारबाहीसँगै जनचेतना अभिवृद्धि अपरिहार्य रहेको बताए । सीमावर्ती क्षेत्र भएकाले बाँकेमा लागुऔषध ओसारपसारको चुनौती उच्च रहेको उल्लेख गर्दै उनले सम्बन्धित सबै निकायबीच समन्वय र सूचनाको आदानप्रदानलाई थप प्रभावकारी बनाइने प्रतिबद्धता व्यक्त गरे । उनले युवालाई लागुऔषधबाट टाढा राख्न परिवार, विद्यालय र समुदायको भूमिका महत्त्वपूर्ण हुने धारणा राखे । लागुऔषधको आपूर्ति सञ्जाल तोड्न प्रशासन निर्ममतापूर्वक प्रस्तुत भइरहेको उनको भनाई छ । उनले बाँकेमा लागुऔषधको प्रयोग र कारोबारको ग्राफ उच्च रहेको उल्लेख गरे ।

लागुऔषधविरुद्धका अभियन्ता अभिराज क्षेत्रीले समाज लागुऔषधको दलदलमा फस्दै गएको उल्लेख गर्दै यो दुष्चक्रबाट निस्किन साझा संकल्प आवश्यक रहेकोमा जोड दिए । नयाँ नयाँ नाम र तरिकाले लागुऔषधको प्रयोग बढेको उनको भनाई छ । कार्यक्रम सञ्चालन लागूऔषध विरुद्धकी अभियन्ता इन्दिरा जिसी रावलले गरेकी थिइन् । कार्यक्रममा जिल्लास्थित विभिन्न सुरक्षा निकायका प्रमुख, विभिन्न सरकारी तथा गैरसरकारी संस्थाका पदाधिकारी लगायतको सहभागिता रहेको थियो ।

May be an image of text

हरेक वर्ष जुन २६ मा मनाइने लागुऔषध दुरुपयोग तथा ओसारपसार विरुद्धको अन्तर्राष्ट्रिय दिवसको अवसरमा यस वर्ष पनि बाँकेमा सप्ताहव्यापी रूपमा विभिन्न सचेतनामूलक कार्यक्रम गरिएका छन् ।

May be an image of one or more people, crowd and text