लिंग काटेर हत्या गरेको आरोपमा पक्राउ परेका धनबहादुर १४ दिन हिरासतमा

समाचार

गृहपृष्ठ
समाचार
लिंग काटेर हत्या गरेको आरोपमा पक्राउ परेका धनबहादुर १४ दिन हिरासतमा

लिंग काटेर हत्या गरेको आरोपमा पक्राउ परेका धनबहादुर १४ दिन हिरासतमा

शुक्रबार, कात्तिक १५, २०७६ बागेश्वरी पोस्ट

बैतडी । भारतको पिथौरागढमा तीन नेपाली मजदुरको लिंग काटेर हत्या गरेको आरोपमा पक्राउ परेका नेपाली मजदुर धनबहादुर बोहरालाई १४ दिन हिरासतमा राख्न जिल्ला न्यायालय पिथौरागढले अनुमति दिएको छ ।

जिल्ला न्यायालय पिथौरागढबाट १४ दिन हिरासतमा राख्ने बिहीबार आदेश पाएपछि बोहरामाथि थप अनुसन्धान सुरु भएको भारतीय प्रहरीलाई उद्धृत गर्दै भारतीय सन्चारमाध्यमले जनाएका छन् ।

आरोपित बोहरामाथि थप अनुसन्धान गर्न प्रहरीले न्यायालयबाट थप म्याद मागेकाले म्याद थपिएको बताइएको छ । न्यायालयले १४ दिन हिरासतमा राखेर अनुसन्धान गर्न अनुमति दिएको छ ।

कात्तिक ८ गते पिथौरागढको मडधुरामा पुुर्चौंडी–५, दहतोलीका हरिश बोहरा, उनका सहोदर भाइ बीरा बोहरा र पुर्चौंडी–४, भटना तडीखेतका काशी बोहराको हत्या भएको थियो । घ

भएलगत्तै हत्याराको खोजीमा रहेको भारतीय प्रहरीले कात्तिक ११ गते भारतकै मन्सुयारीबाट धनबहादुर बोहरालाई नियन्त्रणामा लिएको हो ।

पुर्चौंडी नगरपालिका–५ घर भएका बोहराले तीन नेपाली मजदुरको हत्या आफूले गरेको भारतीय प्रहरीसमक्ष स्वीकार गरेका छन् । पक्राउ परेका बोहरा भारतमै मजदुरी गर्दै आएका थिए ।

बोहराले प्रहरीसमक्ष कात्तिक ८ गते चारैजनाले रक्सी खाएको र पछि रक्सी थप पिउने विषयमा विवाद हुँदा ढुंगाले तीनैजनाको टाउकोमा हिर्काएको र त्यसपछि आफैंले उनीहरुको हँसियाले लिंग काटेको बयान दिएका छन् । रासस

प्रकाशित मिति: शुक्रबार, कात्तिक १५, २०७६ ०८:५३

प्रतिक्रिया दिनुहोस्