धानबालीमा हात्तीको आतंक, किसान चिन्तित

समाचार

गृहपृष्ठ
समाचार
धानबालीमा हात्तीको आतंक, किसान चिन्तित

धानबालीमा हात्तीको आतंक, किसान चिन्तित

बिहीबार, असोज ३०, २०७६ बागेश्वरी पोस्ट

कञ्चनपुर । पाक्नथालेको धानबालीमा जंगली हात्तीले रजाई गर्नथालेपछि कञ्चनपुरका किसान चिन्तित बनेका छन्।

कञ्चनपुरको दक्षिणी क्षेत्रमा हात्तीको झुण्डनै खेतमा प्रवेस गर्ने गरेको छ। भारतको दुधुवा नेश्नलपार्क तथा कञ्चनपुरको लालझाडी र शुक्लाफाँटा वन्यजन्तु आरक्षबाट आउने हात्ती किसानको खेतमा पुग्ने गरेको स्थानीय बताउँछन्। अरुवेला जंगलमा बस्ने हात्ती धान पाक्न सुरु भएपछि किसानको खेतमा आउने गरेको स्थानीय बलबहादुर धामीले बताए।

हात्तीले शुक्लाफाँटा नगरपालिकाको पारिफाँटामा मात्रै पाँच बिघा खेतमा लगाएको धानबाली सखाप पारेको छ। शुक्लाफाँटा राष्ट्रिय निकुञ्ज हुँदै बस्तीमा छिरेको हात्तीको बथानले १५ बढी स्थानीयको धान बाली कुल्चेर नष्ट पारेको स्थानीय रामदास राना बताउँछन्। ३० देखी ३५ को संख्यामा आएका हात्तीले पाकेर काट्नै लागेको धानबालीमा क्षती पुर्‍याएपछी शुक्लाफाँटाका स्थानीय चिन्तीत बनेका उनले बताए। यसका अलावा बेलडाँडी, बेलौरी, कृष्णपुर क्षेत्रमा पनि हात्तीले धानवाली नष्ट गरेको स्थानीय रमेश साउँदले बताए।

भारतको दुधुवा राष्ट्रीय निकुञ्ज हुँदै कञ्चनपुर प्रवेश गरेको हात्तीको बथान कञ्चनपुरका वनमा घुम्ने गरेको शुक्लाफाँटा राष्ट्रय निकुञ्जका प्रमुख लक्ष्मण पौडेलले बताए। विगत केही वर्षदेखि कञ्चनपुरका वनमा हात्तीले आतंक मच्चाउन सुरु गरेको बताउँदै उनले हात्ती नियन्त्रणका प्रयास असफल हुँदै आएको बताए।

किसान भने हात्तीलाई खेतमा प्रवेश गर्न नदिका लागि रातभरी जाग्राम बस्ने गरेका छन्। शुक्लाफाँटा नगरपालिका–८ का वडा अध्यक्ष बहादुर महराले हात्ती आतंक रोक्न किसान भाँडा वर्तन बजाएर रातभर खेतमा बस्ने गरेका बताए। उनले बिगत केही दिनदेखि हात्ती प्रवेश गरेका बताउँदै जंगल आसपासका स्थानीयहरूसँग रातभरी जाग्राम बसेर आफूहरूले पनि हात्ती धपाउने प्रयास गरीरहेको बताए।

तर, हात्तीको ठुलो बथान आउँदा स्थानीयको प्रयास विफल हुने र हात्तीले धानमा रजाई गर्ने गरेको उनले बताए।

प्रकाशित मिति: बिहीबार, असोज ३०, २०७६ ०७:३४

प्रतिक्रिया दिनुहोस्