मिठाइमा लुकाएर लागूऔषध तस्कारी

समाचार

गृहपृष्ठ
समाचार
मिठाइमा लुकाएर लागूऔषध तस्कारी

मिठाइमा लुकाएर लागूऔषध तस्कारी

बिहीबार, असोज ३०, २०७६ बागेश्वरी पोस्ट

हेटौंडा । मिठाइमा लुकाएर लागूऔषधको कारोबारमा संलग्न रहेका एक युवालाई मकवानपुर प्रहरीले नियन्त्रणमा लिएको छ।

जिल्ला प्रहरी कार्यालय मकवानपुरले मकवानपुरको हेटौंडा उपमहानगरपालिका–१ बस्ने ३५ वर्षीय फारुक मियाँ अन्सारीलाई लागूऔधष नाइट्रोभेटसहित पक्राउ गरेको छ।

अन्सारीको साथबाट बुधबार लागूऔषध नाइट्रोभेट १० लेखेको २० पतामा प्रतिपता १५ का दरले ३०० ट्याबलेट बरामद गरिएको छ। यसैगरी उनको साथबाट उइनसरएक्स लेखेको १०० एम.एल.को १ बोतल पनि बरामद गरेको प्रहरीले जनाएको छ।

मकवानपुर हेटौंडा उपमहानगरपालिका–१० बसपार्कबाट उलाई पक्राउ गरेको जिल्ला प्रहरी कार्यलय मकवानपुरले जनाएको छ। हेटौंडा उपमहानगरपालिका–१० बसपाकमा बिरगंजबाट हेटौडातर्फ आउँदै गरेको प्रदेश नम्बर ३–०३–००१ ख ०११८ नम्बरको यात्रुबाहक बस चेपजाँचको क्रममा अन्सारीको हाते झोलामा मिठाई भित्र लुकाइछिपाई राखेको लागूऔषध भेटिएको प्रहरीले जनाएको छ। निजलाई आवश्यक अनुसन्धान तथा कारवाही भइरहेको प्रहरी प्रवक्त प्रहरी नायव उपरीक्षक यज्ञप्रसाद भट्टराईले बताए।

दसी प्रमाणित भएका उनलाई लागूऔषध नियन्त्रण ऐन, २०३३ अनुसार २ वर्षदेखि १० वर्षसम्म कैद र १ लाखदेखि २० लाखसम्म जरिवाना हुनेछ।

प्रकाशित मिति: बिहीबार, असोज ३०, २०७६ ०७:३७

प्रतिक्रिया दिनुहोस्