उपनिर्बाचनका लागि स्थानिय तहको उम्मेदवारी मनोनयन दर्ता आज हुँदै

उपनिर्वाचन -२०७६

गृहपृष्ठ
उपनिर्वाचन -२०७६
उपनिर्बाचनका लागि स्थानिय तहको उम्मेदवारी मनोनयन दर्ता आज हुँदै

उपनिर्बाचनका लागि स्थानिय तहको उम्मेदवारी मनोनयन दर्ता आज हुँदै

बुधबार, कात्तिक २७, २०७६ बागेश्वरी पोस्ट

नेपालगन्ज ।यहीँ आउँदो मंसिर १४ गते हुने उपनिर्वाचनका लागि स्थानीय तहमा आज मनोनयन दर्ता हुँदैछ । निर्वाचन अधिकृतको कार्यालयमा बिहान १० बजेदेखि दिउँसो १ बजेसम्म मनोनयन दर्ता गर्नुपर्ने निर्वाचन आयोगले जनाएको छ । स्थानीय तहअन्तर्गत एक नगरप्रमुख, तीन गाउँपालिका अध्यक्ष, एक गाउँपालिका उपाध्यक्ष र ४३ वडाअध्यक्षका लागि उपनिर्वाचन हुने छ ।बिभिन्न कारणले रिक्त ५२ पदका लागि मंसिर १४ गते उपनिर्वाचन हुन लागेको हो । ३७ जिल्लामा हुने उपनिर्वाचनबाट प्रतिनिधिसभा सदस्य १, प्रदेशसभा सदस्य ३, स्थानीय तहको प्रमुख १, अध्यक्ष ३, उपाध्यक्ष १ र वडाअध्यक्ष ४३ पदमा जनप्रतिनिधि चुनिने छन् । उपनिर्वाचनमा भाग लिने दलहरूको संख्या १०१ छ । तीमध्ये सीके राउतको पार्टीसहित १६ नयाँ दल छन् ।

प्रकाशित मिति: बुधबार, कात्तिक २७, २०७६ ०८:१४