भाषा संस्कृति संरक्षणमा सामुदायिक रेडियोको भूमिका अहम्:अकोराब अध्यक्ष गिरी

संस्कृति-साहित्य

गृहपृष्ठ
संस्कृति-साहित्य
भाषा संस्कृति संरक्षणमा सामुदायिक रेडियोको भूमिका अहम्:अकोराब अध्यक्ष गिरी

भाषा संस्कृति संरक्षणमा सामुदायिक रेडियोको भूमिका अहम्:अकोराब अध्यक्ष गिरी

शनिबार, चैत ७, २०७७ बागेश्वरी पोस्ट

अनिल गौतम /बर्दिया । सामुदायिक रेडियो प्रसारक संघ (अकोराब) का अध्यक्ष अर्जुन गिरीले भाषा संस्कृतिको संरक्षणमा सामुदायिक रेडियोको अहम् भूमिका रहेको बताउनुभएको छ ।

प्राचीन सिर्जनशील आदिवासी समाजद्वारा संचालित रेडियो गुर्वावा एफएमले बाँसगढी ४ लक्ष्मणपुरमा थारु संचार गृह र थारु पत्रकारहरुको वर्तमान अवस्था, अवसर र चुनौतीका विषयमा गरेको अन्तरक्रिया कार्यक्रमलाई प्रमुख अतिथिका रुपमा सम्बोधन गर्दै अध्यक्ष गिरीले सामुदायिक रेडियोहरु भाषा संस्कृतिको पुँजीका रुपमा रहेको उल्लेख गर्नुभयो ।

गिरीले थारु भाषा संस्कृतिको संरक्षणमा रेडियो गुर्वावाले उल्लेखनीय भूमिका खेलेको बताउनुभयो । अध्यक्ष गिरीले छरिएर रहेका रेडियोहरुलाई एकाकार गर्दै अघि बढ्ने बताउनुभयो ।

स्पष्ट नीति नहुँदा समस्या रहेको भन्दै उहाँले त्यसका लागि पहल गर्ने बताउनुभयो । प्राचीन सिर्जनशील आदिवासी समाजका अध्यक्ष सर्जने कामीको अध्यक्षतामा भएको कार्यक्रममा रेडियो गुर्वावा एफएमका कार्यकारी निर्देशक एकराज चौधरीले अतिथिहरुलाई स्वागत तथा कार्यक्रमको उद्देश्यमाथि प्रकाश पार्नुभएको थियो ।

कार्यक्रममा दाङ, बाँके, बर्दिया, कैलाली र कंचनपुरका थारु पत्रकार एवम् संचारकर्मीहरुको उपस्थिति थियो ।

प्रकाशित मिति: शनिबार, चैत ७, २०७७ २०:३७

प्रतिक्रिया दिनुहोस्