होटल उद्योगलाई बन्दाबन्दी अवधिको विद्युत् शुल्कमा शतप्रतिशत छुट

अर्थ

गृहपृष्ठ
अर्थ
होटल उद्योगलाई बन्दाबन्दी अवधिको विद्युत् शुल्कमा शतप्रतिशत छुट

होटल उद्योगलाई बन्दाबन्दी अवधिको विद्युत् शुल्कमा शतप्रतिशत छुट

आइतबार, चैत ८, २०७७ बागेश्वरी पोस्ट

सञ्चार तथा सूचना, प्रविधिमन्त्री तथा सरकारको प्रवक्ता पार्वत गुरुङ

नेपालगन्ज । सरकारले बन्दाबन्दीको अवधिमा होटल तथा रेस्टुरेन्ट उद्योगले तिर्नुपर्ने विद्युत् शुल्क शतप्रतिशत मिनाह गर्ने निर्णय गरेको छ ।

सरकारका प्रवक्ता एवं सञ्‍चार तथा सूचना प्रविधिमन्त्री पार्वत गुरुङले आइतबार पत्रकार सम्मेलनमार्फत अर्थ मन्त्रालयको प्रस्तावमा मन्त्रिपरिषद्को बैठकले यस्तो निर्णय गरेको बताएका हुन् ।

प्रवक्ता गुरुङले भने, ‘मन्त्रिपरिषद्को बैठक निर्णयअनुसार कोभिड संक्रमण जोखिम न्यूनीकरण गर्न बन्दाबन्दी घोषणा गरेको मिति २०७६ चैत ९ गतेदेखि २०७७ भाद्र मसान्तसम्म होटल उद्योगले भुक्त्तानी गर्नुपर्ने विद्युतको मागको शुल्क शतप्रतिशत मिनाह गरिनेछ।’ साथै, असोज १ गतेदेखि माघ मसान्तसम्मको विद्युत् शुल्कमा ५० प्रतिशत छुट दिने निर्णय समेत गरेको प्रवक्ता गुरुङले बताए ।

उनका अनुसार नियमित नवीकरण गरी कर विवरण पेस गरेका होटल तथा रेस्टुरेन्टले मात्र यो सुविधा पाउनेछन् ।

प्रकाशित मिति: आइतबार, चैत ८, २०७७ २०:३६