नेपाल प्रहरीमा उच्च अधिकृतको दरबन्दी थप्ने तयारी, बाँके प्रमुख पनि एसएसपी हुने

सुरक्षा-अपराध

गृहपृष्ठ
सुरक्षा-अपराध
नेपाल प्रहरीमा उच्च अधिकृतको दरबन्दी थप्ने तयारी, बाँके प्रमुख पनि एसएसपी हुने

नेपाल प्रहरीमा उच्च अधिकृतको दरबन्दी थप्ने तयारी, बाँके प्रमुख पनि एसएसपी हुने

शुक्रबार, कात्तिक ५, २०७८ बागेश्वरी पोस्ट

नेपालगन्ज । प्रहरी प्रधान कार्यालयले प्रहरी अतिरिक्त महानिरीक्षक (एआईजी), प्रहरी नायब महानिरीक्षक (डीआईजी) र वरिष्ठ प्रहरी उपरीक्षक (एसएसपी) को दरबन्दी थप्ने प्रस्ताव गरेको छ। ६ जना एआईजी, ६ जना डीआईजी र १५ जना एसएसपी थप गर्ने प्रस्ताव मंगलबार प्रहरी प्रधान कार्यालयबाट आएको प्रहरी मुख्यालय निकट स्रोतले जानकारी दिएको छ।

६ जना प्रहरी अतिरिक्त महानिरीक्षक (एआईजी) थप्ने गृहकार्य पहिल्यैबाट भइरहेको छ। सरकारले प्रदेशमा पनि एआईजी नै राख्ने तयारी गरेको हो। ‘एआईजीको दरबन्दी मिलाउन ओएनएम भइरहेको थियो। अब डीआईजी र एसएसपीको पनि दरबन्दी थपको प्रस्ताव आएको छ। यी सबै विषय ओएनएम गरेर क्याबिनेटमा जान्छ,’ उक्त स्रोतले भन्यो।’

प्रहरी प्रधान कार्यालयको प्रस्तावमा सात वटै प्रदेशका राजधानी रहेका जिल्लामा एसएसपीले नेतृत्व गर्ने प्रस्ताव छ। यस्तै महानगर रहेका जिल्लामा पनि एसएसपीको नेतृत्वमा प्रहरी रहने भएको छ। यो निर्णय पारित भएपछि मोरङ, धनुषा, मकवानपुर, कास्की, दाङ, सुर्खेत र कैलालीमा एसएसपीको नेतृत्व हुनेछ। यी जिल्लामा प्रदेशका राजधानी छन्।

महानगरपालिका भएका चितवन र पर्सामा पनि एसएसपी पठाउने प्रस्ताव छ। विराटनगर र पोखरा महानगरपालिका भने प्रदेश राजधानी रहेकै जिल्लामा छन्। सुरक्षाका दृष्टिकोणले संबेदनशील मानिएका झापा र बाँकेमा पनि एसएसपी पठाउने प्रस्ताव छ।

प्रकाशित मिति: शुक्रबार, कात्तिक ५, २०७८ १८:०२