पशु सेवा तालिम केन्द्रको बार्षिक कार्यक्रम सार्वजनिक

अर्थ

गृहपृष्ठ
अर्थ
पशु सेवा तालिम केन्द्रको बार्षिक कार्यक्रम सार्वजनिक

पशु सेवा तालिम केन्द्रको बार्षिक कार्यक्रम सार्वजनिक

बुधबार, कात्तिक १०, २०७८ बागेश्वरी पोस्ट

नेपालगञ्ज । पशु सेवा तालिम केन्द्रले आफ्नो बार्षिक कार्यक्रम सार्वजनिक गरेको छ ।

लुम्बिनी प्रदेशका १२ जिल्लामा पशु सेवातर्फ विभिन्न तालिम सञ्चालन गर्दै आएको कृषि, खाद्य प्रविधि तथा भूमी व्यवस्था मन्त्रालय लुम्बिनी प्रदेश अन्तर्गत् रहेको तालिम केन्द्रले एक कार्यक्रमको आयोजना गरी आर्थिक वर्ष २०७८/०७९ मा स्वीकृत कार्यक्रम सार्बजनिक गरेको हो । तालिम केन्द्रले कुल २ करोड ८५ लाख १४ हजार खर्च गर्ने गरी बार्षिक कार्यक्रम सार्बजनिक गरेको हो ।

पशु सेवा तालिम केन्द्रका प्रमुख तथा बरिष्ठ तालिम अधिकृत टेकनाथ आचार्यको अध्यक्षतामा भएको बार्षिक कार्यक्रम सार्बजनिक कार्यक्रममा बोल्दै प्रमुख अतिथि भगवती दुग्ध उत्पादक सहकारी संस्थाका अध्यक्ष इन्द्र प्रसाद लुइँटेलले किसानलाई सक्षम बनाउन तालिम आवश्यक रहेको बताए । उनले किसानलाई तालिम दिन आवश्यक बजेटको मात्रा भने कम देखिएको गुनासो गरे ।

तालिम केन्द्रले चालू आर्थिक वर्षमा वस्तुगत टेवा सहितका व्यवसायिक बंगुर, बाख्रा, कुखुरा, गाई, भैंसीपालन तालिम, सघन मत्स्य पालन तालिम, पशु प्रजनन कृतिम गर्भाधान, व्यवहारिक कुखुरा पालन, व्यावसायिक पशुपालन तालिम दिने गरी योजना बनाएको छ । केन्द्रले हरित स्वयंसेवकहरूको लागि टोट तालिम संचालन गर्नेछ ।

किसानसँगै तालिम केन्द्रले प्राविधिकहरुलाई समेत दक्ष बनाउन अधिकृत स्तरका तालिम सञ्चालन गर्ने सार्बजनिक कार्यक्रममा जानकारी गराइएको थियो । कार्यालयका सूचना अधिकारी एवम् मत्स्य विकास अधिकृत रामकेश यादवले यस पटक कुनै महामारी नआए समयमै तालिमका कार्यक्रम सकिने बताए ।

प्रकाशित मिति: बुधबार, कात्तिक १०, २०७८ २०:३५

प्रतिक्रिया दिनुहोस्