बाँकेमा लागू औषधसहित दुई जना पक्राउ

सुरक्षा-अपराध

गृहपृष्ठ
सुरक्षा-अपराध
बाँकेमा लागू औषधसहित दुई जना पक्राउ

बाँकेमा लागू औषधसहित दुई जना पक्राउ

शुक्रबार, माघ १४, २०७८ बागेश्वरी पोस्ट

नेपालगञ्ज । बाँकेमा लागू औषधसहित दुई जना पक्राउ परेका छन् ।

विहिबार दिउँसो ४ बजेतिर नेपालगञ्ज उपमहानगरपालिका वडा नम्बर १६ भन्सार कार्यालयस्थित भन्सार सुरक्षा गार्डबाट खटिएको प्रहरी टोलीले विरेन्द्रनगर नगरपालिका वडा नम्बर ६ सुर्खेतका २ जनालाई कोरेक्स र नाइट्रोजेपामसहित पक्राउ गरेको हो ।

जिल्ला प्रहरी कार्यालय बाँकेका अनुसार चेकजाँच गर्ने क्रममा शंकास्पदरुपमा हिँडिरहेका उनीहरुलाई सोधपुछ गरेर उनीहरुले बोकेको जेब्रा झोला तलासी लिँदा १०० मि.लि.को २५ बोटल लागूऔषध कोरेक्स फेला पारिएको थियो ।

त्यसबारेमा सोधपुछ गर्दा उक्त लागूऔषध आफ्नो झोलामा राखिदिएको उनीहरुले भनेपछि खोजतलास गर्दा नेपालगञ्जको न्युरोडमा फेला पारी चेकजाँच गर्दा निजको साथमा खुल्ला अवस्थामा रहेको ३५ ट्याबलेट नाइट्रोजेपाम जस्तो ट्याबलेट समेत फेला परेको थियो ।

दुवै जनालाई नियन्त्रणमा लिई आवश्यक अनुसन्धान एवम् कारबाहीको प्रक्रिया अघि बढाइएको प्रहरीले जनाएको छ ।

प्रकाशित मिति: शुक्रबार, माघ १४, २०७८ १५:२४

प्रतिक्रिया दिनुहोस्