पल शाहलाई पुर्पक्षका लागि थुनामा पठाउन अदालतको आदेश

सुरक्षा-अपराध

गृहपृष्ठ
सुरक्षा-अपराध
पल शाहलाई पुर्पक्षका लागि थुनामा पठाउन अदालतको आदेश

पल शाहलाई पुर्पक्षका लागि थुनामा पठाउन अदालतको आदेश

बिहीबार, चैत १०, २०७८ बागेश्वरी पोस्ट

नेपालगन्ज । नायक पल शाह नाबालिग गायिकामाथि बलात्कार मुद्दामा पुर्पक्षको लागि थुनामा गएका छन।शाहलाई जिल्ला अदालत तनहुँले पुर्पक्षको लागि थुनामा पठाउन आज आदेश दिएको हो ।

जिल्ला अदालत तनहुँका न्यायाधीश हरिशचन्द्र ढुंगानाको इजलासले थुनछेक बहस सकिएपछि शाहलाई पुर्पक्षका लागि थुनामा पठाउन आदेश दिएको हो।

बलात्कार मतियारका अभियोग लागेका पलका म्यानेजर कृष्ण जोशीलाई भने १ लाख धरौटीमा छाड्न अदालतले आदेश दिएको छ। अदालतको आदेशसँगै शाह कारागार चलान भएका छन् ।

जिल्ला सरकारी वकिलको कार्यालय तनहुँले पलविरूद्ध अधिकतम १४ बर्ष कैद सजायको माग गर्दै मंगलबार अभियोग पत्र अदालतमा दर्ता गरेको थियो। अदालतले सोही दिन पलसँग बयान लिएको थियो भने मतियारका रूपमा पेस गरिएका उनका म्यानेजर कृष्ण जोशीसँग बुधबार बयान लिएको थियो।

नाबालिग गायिकाले झूटो प्रेमको बहाना गरेर पोखरा, तनहुँ र नवलपुरमा पटक(पटक पलले बलात्कार गरेको भन्दै उनका परिवारले तनहुँ प्रहरीमा उजुरी दिएको थियो।

परिवारले फागुन ११ गते उजुरी दिएपछि बेपत्ता भएका पल १५ गते तनहुँ प्रहरीमा आत्मसमर्पण गर्न पुगेका थिए। पीडित परिवारले नवलपुर प्रहरीमा पनि १५ गते जाहेरी दिएका थिए।

नवलपुर प्रहरीले अनुसन्धान पूरा गरी सरकारी वकिलको कार्यालयमार्फत चैत ३ गते जिल्ला अदालतमा मुद्दा दर्ता गरिसकेको छ।तनहुँ अदालतले पुर्पक्षका लागि कारागार पठाएपछि अब नवलपुर अदालतमा थुनछेक बहस सुरू हुने नवलपुरका सरकारी वकिल डालबहादुर नेपालीले बताए।

प्रकाशित मिति: बिहीबार, चैत १०, २०७८ १९:३९