नेपाल प्रहरी र सशस्त्रका महानिरीक्षकले लगाए दर्ज्यानी चिन्ह

सुरक्षा-अपराध

गृहपृष्ठ
सुरक्षा-अपराध
नेपाल प्रहरी र सशस्त्रका महानिरीक्षकले लगाए दर्ज्यानी चिन्ह

नेपाल प्रहरी र सशस्त्रका महानिरीक्षकले लगाए दर्ज्यानी चिन्ह

वरियता विवाद आवश्यक छैन : गृहसचिव पाण्डे

सोमबार, वैशाख १९, २०७९ बागेश्वरी पोस्ट

नेपालगन्ज । नेपाल प्रहरीका नवनियुक्त महानिरीक्षक धिरजप्रताप सिंह र सशस्त्र प्रहरी महानिरीक्षक राजु अर्याललाई आज दर्ज्यानी चिन्ह प्रदान गरिएको छ ।

सोमबार सर्वोच्च अदालतको कार्यलय खुल्नुअघि बिहान ९ बजे नै नेपाल प्रहरी र शसस्त्र प्रहरी दुवै तर्फका नवनियुक्त आइजीपीलाई गृहसचिव टेकनारायण पाण्डेले दर्ज्यानी चिह्न लगाइदिएका छन्।

सरकारले आइतवार सिंह र अर्याललाई महानिरीक्षकमा बढुवा गरेको थियो ।

वरियता विवाद आवश्यक छैन : गृहसचिव पाण्डे
गृह मन्त्रालयमा आयोजित दर्ज्यानी चिह्न प्रदान समारोहमा गृहसचिव पाण्डेले अहिले मिडियामा उठिरहेको वरियता विवाद अनावश्यक रहेको टिप्पणी समेत गरे । ‘एकैदिन प्रहरीमा प्रवेश गरे मध्येबाट परिपक्वता, कार्यकुशलता र कार्यक्षमता हेरेर नै सरकारले सिंहलाई आइजी बनाएको हो । विभिन्न मिडियाबाजी भएपनि प्रचलित कानुन र प्रहरी नियमावलीमा भएको व्यवस्था अनुरुप नै भएको हो । यसमा विवाद आवश्यक छैन,’ उनले भने ।

प्रकाशित मिति: सोमबार, वैशाख १९, २०७९ १६:३२