फेरि बढेर आयो पेट्रोलियम पदार्थको मूल्य

अर्थ

गृहपृष्ठ
अर्थ
फेरि बढेर आयो पेट्रोलियम पदार्थको मूल्य

फेरि बढेर आयो पेट्रोलियम पदार्थको मूल्य

बिहीबार, असार २, २०७९ बागेश्वरी पोस्ट

नेपालगन्ज । इन्डियन आयल कर्मोरेशनले आज पठाएको नयाँ मूल्य सूचीमा पेट्रोल, डिजेल र हवाई इन्धनको मूल्य बढेको छ ।

नयाँ मूल्य सूची अनुसार, पेट्रोल प्रतिलिटर ६।५२ रुपैयाँ, डिजेल प्रतिलिटर १९।०३ पैसा र हवाई इन्धन प्रतिलिटर १९।९१ रुपैयाँ बढेर आएको नेपाल आयल निगमका प्रवक्ता विनितमणि उपाध्यायले जनाएका छन् ।

अहिले आयल निगमले पेट्रोल प्रतिलिटर १७८, डिजल १६५, मट्टितेल १६५, हवाई इन्धन आन्तरिकतर्फ १६६ र एलपी ग्यास प्रतिसिलिन्डर एक हजार आठ सयमा बिक्री गर्दै आएको छ ।

नयाँ मूल्य सूची अनुसार, निगमलाई पेट्रोलमा प्रतिलिटर ३१।२८ रुपैयाँ, डिजलमा ३७।१६ रुपैयाँ, हवाई इन्धनमा आन्तरिकतर्फ २।७० रुपैयाँ र एलपी ग्यासमा ७५१।१४ रुपैयाँ घाटा हुने अवस्था आएको प्रवक्ता उपाध्यायले जानकारी दिएका छन् ।