सशस्त्र प्रहरीद्वारा नेपालगन्ज भन्सार अगाडिबाट लागूऔषधसहित एक जना पक्राउ

सुरक्षा-अपराध

गृहपृष्ठ
सुरक्षा-अपराध
सशस्त्र प्रहरीद्वारा नेपालगन्ज भन्सार अगाडिबाट लागूऔषधसहित एक जना पक्राउ

सशस्त्र प्रहरीद्वारा नेपालगन्ज भन्सार अगाडिबाट लागूऔषधसहित एक जना पक्राउ

मंगलबार, असार २८, २०७९ बागेश्वरी पोस्ट

नेपालगन्ज । सशस्त्र प्रहरीले नेपालगन्ज भन्सार कार्यालय अगाडिबाट लागूऔषधसहित एक जनालाई पक्राउ गरेको छ ।

सशस्त्र प्रहरीको जमुनाह बिओपीबाट भन्सार कार्यालयको अगडि चेक प्वाइन्टमा खटिएको सशस्त्र प्रहरी सहायक निरीक्षक तिलक बहादुर मगर कमान्डको टोलीले आज बिहान ६ बजे भारतको रुपईडिहाबाट नेपालगन्ज आउँदै गरेका नेपालगन्ज १८ का २७ बर्षीय सुदिप महतरालाई ब्राउनसुगर र विभिन्न लागूऔषधसहित नेपालगन्ज १६ भन्सार कार्यालय अगाडिबाट पक्राउ गरेको सशस्त्र प्रहरी बिओपी जमुनाह बिओपीका प्रमुख सशस्त्र प्रहरी निरीक्षक जीवनलाल बुढाले जानकारी दिएका छन् ।

शंकास्पद तरिकाले नेपालगन्जतर्फ आउँदै गरेका महतरालाई सशस्त्र प्रहरीको चेक जाँचका क्रम उनले बोकेको झोलाबाट १ ग्राम ब्राउनसुगर जस्तो देखिने खैरो पदार्थ, इन्जेक्सनबाट दिइने तरल पदार्थ ४ सिसी, नगद ६६१० रुपैयाँ, नागरिकता, पासपोर्ट र एक थान मोबाइल बरामद गरेको सशस्त्र प्रहरी निरीक्षक बुढाले बताए ।

बरामद गरिएका लागूऔषध र पक्राउ परेका महतरालाई आबश्यक कारबाहीका लागि जिल्ला प्रहरी कार्यालय पठाइएको बुढाले जानकारी दिएका छन् ।

प्रकाशित मिति: मंगलबार, असार २८, २०७९ १४:३०