बाँकेमा सबैभन्दा कम बेरुजु नरैनापुरमा

अर्थ

गृहपृष्ठ
अर्थ
बाँकेमा सबैभन्दा कम बेरुजु नरैनापुरमा

बाँकेमा सबैभन्दा कम बेरुजु नरैनापुरमा

बिहीबार, असार ३०, २०७९ बागेश्वरी पोस्ट

नेपालगन्ज । महालेखा लेखापरीक्षण प्रतिवेदनमा बाँकेका ८ वटा स्थानीय तह मध्ये नरैनापुरमा सबैभन्दा कम बेरुजु देखिएको छ । जिल्लाभरका ८ पालिकाको ४५ करोड भन्दा बेरुजु रहेको लेखापरीक्षण प्रतिवेदनमा उल्लेख गरिएको छ ।

बाँकेका ८ स्थानीय तहको कुल १५ अर्ब ८६ करोड ५१ लाख ८१ हजार बराबरको लेखापरीक्षण गरिएकोमा ४५ करोड ४० लाख ६४ हजार रुपैयाँ बेरुजु देखिएको छ ।

गत बर्ष २०७६/०७७ को महालेखाले प्रतिवेदन सार्वजनिक गर्दा बाँकेको कोहलपुर नगरपालिका, राप्तीसोनारी गाउँपालिका, खजुरा गाउँपालिका र जानकी गाउँपालिकाले कोरोना लगायतका कारण देखाउँदै लेखापरीक्षण नै नगराएकाले उक्त स्थानीय तहको लेखापरीक्षण विवरण सार्वजनिक भएको थिएन । यसपटक भने बाँकेका ८ वटै स्थानीय तहको लेखापरीक्षण प्रतिवेदन सार्वजनिक भएको हो ।

बाँकेमा सबैभन्दा बढी बेरुजु जानकी गाउँपालिकाको रहेको महालेखाको प्रतिवेदनमा उल्लेख छ । जानकी गाउँपालिकाको बेरुजु ६.२० प्रतिशत रहेको छ । त्यस्तै, सबैभन्दा कम बेरुजु नरैनापुर गाउँपालिकाको आएको छ । नरैनापुर गाउँपालिका अध्यक्ष इस्तियाक अहमद शाहले आउने आर्थिक बर्षमा बेरुजु शून्यमा पुर्याउने लक्ष्यका साथ काम भइरहेको बताए ।

यस्तै नरैनापुरका लेखापाल प्रकाश अधिकारीले अनलाइन बैंकिङ प्रणाली सुरु भएकाले बेरुजुलाई शून्यमा झारेर बेरुजुरहित पालिका बनाउने अभियानमा लागेको जिकिर गरे ।

नरैनापुरका प्रमुख प्रशासकीय अधिकृत भरत बस्नेतले जनप्रतिनिधिहरुको सहयोगका कारण बेरुजु कम गर्न सफल भएको बताउँदै आउने आर्थिक बर्षमा अपेक्षितरुपमा कमी आउने बताए ।

प्रकाशित मिति: बिहीबार, असार ३०, २०७९ १६:०२