आतंककारी चढेको सूचना पाएपछि मुम्बई उड्न लागेको जहाज रोकियो

सुरक्षा-अपराध

गृहपृष्ठ
सुरक्षा-अपराध
आतंककारी चढेको सूचना पाएपछि मुम्बई उड्न लागेको जहाज रोकियो

आतंककारी चढेको सूचना पाएपछि मुम्बई उड्न लागेको जहाज रोकियो

बुधबार, साउन १८, २०७९ बागेश्वरी पोस्ट

नेपालगञ्ज । काठमाडौंको त्रिभुवन अन्तर्राष्ट्रिय विमानस्थलबाट मुम्बई जान लागेको नेपाल एयरलाइन्सको विमानलाई प्रहरीले रोकेको छ । प्रहरीलाई सो विमानमा रहेका एक शंकास्पद यात्रुबारे विशेष सूचना आएपछि विमान रोकेर चेकजाँच गरेको हो ।

उक्त विमानमा चढेका एक यात्रुलाई नियन्त्रणमा लिएको प्रहरी उच्च स्रोतले बताए । उपत्यका प्रहरी कार्यालयका प्रमुख एआईजी रवीन्द्रबहादुर धानुकले भने ‘हेडक्वार्टरबाट आएको सूचनाका आधारमा विमानस्थल प्रहरीले चेकजाँच गरिरहेको छ, विस्तृत सूचना आउन बाँकी छ।’
विमानस्थलका प्रवक्ता टेकनाथ सिटौलाका अनुसार प्रहरीले भाग्न लागेका व्यक्तिलाई पक्राउ गर्न भन्दै अनुरोध गरेको थियो।

‘कैलालीबाट पक्राउ गर्न आदेश आएपछि अनुसन्धानको लागि भनेर यहाँको प्रहरीलाई अनुरोध गरेको रहेछ। त्यसैले जहाजभित्र चढिसकेका रहेछ,’ उनले भने, ‘त्यसपछि सहकार्य गरेर नेपाल प्रहरीले उनलाई झारेको हो ।’ उनका अनुसार दिउँसो उक्त जहाजको उडान दिउँसो १.१० मा थियो ।

'मुम्बई उड्नुपर्ने आतंकवादी रहेको सूचना आएपछि सबै यात्रु ओरालेर जाँच भइरहेको छ । सुन तस्करीमा संलग्न शंकास्पद एक जना व्यक्ति विमानमा चढेको भन्ने सूचना थियो, प्रहरीले नेपाल एयरलाइन्सलाई आग्रह गरेर विमान रोकेको हो,’ उनले भने, ‘सबै चढिसकेका यात्रुलाई झारिएको छ ।’ फेरि विमान मुम्बई उडाउन बोर्डिङ भइरहेको ठाकुरले बताए ।

प्रकाशित मिति: बुधबार, साउन १८, २०७९ १५:३३