पोखराबाट एटीएम फोडेर १५ लाख चोरी गरेका तामाङ रुपन्देही नाकाबाट एक महिनापछि पक्राउ

सुरक्षा-अपराध

गृहपृष्ठ
सुरक्षा-अपराध
पोखराबाट एटीएम फोडेर १५ लाख चोरी गरेका तामाङ रुपन्देही नाकाबाट एक महिनापछि पक्राउ

पोखराबाट एटीएम फोडेर १५ लाख चोरी गरेका तामाङ रुपन्देही नाकाबाट एक महिनापछि पक्राउ

सोमबार, भदौ ६, २०७९ बागेश्वरी पोस्ट

नेपालगन्ज । बैंकको एटीएम मेशिन फोडेर १५ लाख रुपैयाँ चोरी गर्ने एक जना व्यक्तिलाई प्रहरीले एक महिनापछि पक्राउ गरेको छ ।

एटीएम फोडेर १५ लाख चोरी गरेर फरार रहेका नवलपरासी देवचुली नगरपालिका वडा नं ५ घर भइ हाल पोखरा महानगरपालिका वडा नं ३० डुँडाकोमुख बस्ने वर्ष २१ का अनिश तामाङलाई पक्राउ गरेको जिल्ला प्रहरी कास्कीले जनाएको छ ।

तामाङलाई गण्डकी प्रदेश प्रहरी कार्यालय पोखरा, नेपाल प्रहरी प्रदेश कार्यालय पोखरा, जिल्ला प्रहरी कार्यालय कास्की र इलाका प्रहरी कार्यालय शिशुवाबाट खटिएको संयुक्त अनुसन्धान टोलीले तामाङलाई रूपन्देही बेलहिया (नेपाल-भारत सीमा नजिक) बाट भारततर्फ जाँदै गरेको अवस्थामा पक्राउ गरिएको कास्की प्रहरीले जनाएको छ ।

प्रहरीका अनुसार तामाङले गत साउन २ गते राति पोखरा ३० स्थित एनएमबि बैंकको एटीएम मेशिन फोडेर १५ लाख रुपैयाँ रकम चोरेका थिए । उनले सोही राति एनआइसी एशिया बैंकको एटीएम मेशिन पनि फोड्ने प्रयास गरेका थिए । कास्की प्रहरी अनुसार घटनापछि प्रहरीले अनुसन्धान गर्ने क्रममा दुवै घटनामा एउटै व्यक्तिको हुलियार सो घटनामा ग १० प २९६३ नम्बरको मोटरसाईकल र हेल्मेटसमेत प्रयोग भएको देखिएको थियो । थप अनुसन्धान गर्ने क्रममा तामाङले चोरी गरेको भन्ने पुष्टि भएपछि उनको खोजी गर्ने क्रममा पक्राउ परेका हुन् ।

पक्राउ परेका तामाङलाई चोरी तथा डाँका सम्बन्धी कसूरमा कास्की जिल्ला अदालतबाट सात दिनको म्याद लिएर अनुसन्धान शुरु गरिएको कास्की प्रहरीले जानकारी दिएको छ ।

प्रकाशित मिति: सोमबार, भदौ ६, २०७९ ११:३७

प्रतिक्रिया दिनुहोस्