चुनावी मैदानमा होमियो बाँके क्षेत्र नम्बर २ कांग्रेस, विभिन्न समिति गठन

आम निर्वाचन-२०७९

गृहपृष्ठ
आम निर्वाचन-२०७९
चुनावी मैदानमा होमियो बाँके क्षेत्र नम्बर २ कांग्रेस, विभिन्न समिति गठन

चुनावी मैदानमा होमियो बाँके क्षेत्र नम्बर २ कांग्रेस, विभिन्न समिति गठन

पार्टीका उम्मेदवारहरुलाई जिताउन प्रतिबद्ध भएर खटिन आह्वान

आइतबार, असोज ३०, २०७९ बागेश्वरी पोस्ट

नेपालगञ्ज । नेपाली कांग्रेस बाँके क्षेत्र नम्बर २ ले एकताबद्ध भएर चुनावमा होमिन आह्वान गरेको छ । पार्टीका उम्मेदवारहरुलाई जिताउन प्रतिबद्ध भएर चुनावमा खटिन नेता कार्यकर्तालाई आह्वान गरिएको हो । क्षेत्र नम्बर २ कार्यसमितिले आज विस्तारित बैठक गरेर विभिन्न निर्णयहरु समेत गरेको छ ।

बैठकले क्षेत्रीय सभापति रमेशकुमार गुप्ताको संयोजकत्वमा अनुगमन तथा सुपरिपेक्षण समिति गठन गरेको छ । प्रदेश २(१) का सभापति ज्ञानेन्द्रकुमार चौधरी र प्रदेश २(२) का सभापति जितेन्द्रबहादुर हमालको संयोजकत्वमा दुई छुट्टाछुट्टै निर्वाचन परिचालन समिति गठन गर्ने निर्णय गरिएको क्षेत्रीय सचिव सुनिलसिंह हमालले जानकारी दिए । बैठकले सचिव हमाललाई सचिवालय संयोजक तोकेको छ भने कोषाध्यक्ष अजमल खाँको संयोजकत्वमा आर्थिक समिति गठन भएको छ ।

"आजदेखि हामी विधिवत निर्वाचनमा होमिएका छौं," सचिव हमालले भने-"अब प्रचारप्रसारलाई द्रुत गतिमा अघि बढाउँछौं, २७ वटै वडामा प्रचारप्रसार कार्यालय खोल्छौं, टोल समितिहरुलाई क्रियाशील बनाउँछौं ।"

No description available.

बैठकमा केन्द्रीय सदस्य मैकुलाल बाल्मिकी, राष्ट्रियसभा सदस्य युवराज शर्मा, निवर्तमान पार्टी सभापति किरण कोइराला, पूर्व सांसद कैलाशनाथ कशौधन गुप्ता, क्षेत्र नम्बर २ प्रतिनिधिसभा सदस्य उम्मेदवार सुदिपनरसिंह राणा, प्रदेशसभा २(१) का उम्मेदवार राजकुमार बर्मा, २(२) का उम्मेदवार सुरेन्द्रबहादुर हमाल, लुम्बिनी प्रदेशसभाका निवर्तमान सदस्य मो. याकुब अन्सारी लगायत उपस्थित थिए ।

No description available.