आगामी ५ वर्ष बाँकेमा बिकास र समृद्धिको अभियानले गति लिन्छः अथक

आम निर्वाचन-२०७९

गृहपृष्ठ
आम निर्वाचन-२०७९
आगामी ५ वर्ष बाँकेमा बिकास र समृद्धिको अभियानले गति लिन्छः अथक

आगामी ५ वर्ष बाँकेमा बिकास र समृद्धिको अभियानले गति लिन्छः अथक

मंगलबार, कात्तिक १, २०७९ बागेश्वरी पोस्ट

नेपालगञ्ज । युवा तथा खेलकुद मन्त्री एवं वाम लोकतान्त्रिक गठबन्धनको तर्फबाट बाँके निर्वाचन क्षेत्र नम्बर १ का उम्मेदवार महेश्वर गहतराज (अथक) ले आगामी ५ वर्षमा यस क्षेत्रमा बिकास र समृद्धिको अभियानले गति लिने बताएका छन् । बाम लोकतान्त्रिक गठबन्धनको संयुक्त निर्वाचन परिचालन समिति बाँके निर्वाचन क्षेत्र नम्बर १(२) को तर्फबाट आयोजित प्रथम बैठक तथा भेलालाई सम्बोधन गर्दै अथकले यस्तो बताएका हुन् ।

उनले बिगत ५ वर्षमा ठूला, मध्यम तथा साना आयोजनाको सुरुवात गरेर बाँकेमा बिकासको आधार तयार गरिएको भन्दै आगामी ५ वर्षमा यसलाई पुर्णता दिइने बताए । वर्षौंदेखि अँध्यारोमा बस्न बाध्य १ नम्बर निर्वाचन क्षेत्रका नागरिकलाई बिद्युतीकरणसँग जोड्न गरिएको पर्यत्नले पूर्णता पाएको बताउँदै अथकले राप्तीसोनारी र नरैनापुरलाई सडक संजालसँग जोडेर बिकासको मूलप्रवाहमा ल्याइएको बताए । सुगम जिल्लाको दुर्गम क्षेत्रका रूपमा रहेको क्षेत्र नम्बर १ मा बिद्यालय भवन, सडक पूर्वाधार, स्वास्थ्य पूर्वाधार, सिक्टा सिंचाई आयोजना लगायतका महत्वपूर्ण बहुआयामिक र बहुउद्देश्यी आयोजनाहरूको
सुरुवात भइसकेको उनले बताए । उनले बाम लोकतान्त्रिक गठवन्धनका साझा उम्मेदवारहरुलाई विजयी गराई विकासका अपूरा कामलाई तीब्रता दिनुपर्नेमा समेत जोड दिए ।

यस्तै वाम लोकतान्त्रिक गठबन्धनको तर्फबाट बाँके निर्वाचन क्षेत्र नम्बर १(२) का उम्मेदवार फुलाराम थारुले समग्र विकास, संविधान र अहिलेको व्यवस्थाको रक्षाको लागि पनि बाम लोकतान्त्रिक गठबन्धनका सबै उम्मेदवारहरुलाई जिताउनुपर्ने बताए । नेपाली काँग्रेसका तत्कालीन सभापति गिरिजाप्रसाद कोइराला र माओवादीका अध्यक्ष पुष्पकमल दाहाल (प्रचण्ड) को संयुक्त सार्थक पहल र १२ बुँदे सहमतिबाट अहिलेको व्यवस्था आएको स्मरण गर्दै संविधान र अहिलेको व्यवस्थाको रक्षा गर्ने जिम्मेवारी
वामलोकतान्त्रिक गठबन्धनको भएको भन्दै निर्धक भएर वाम लोकतान्त्रिक गठबन्धनका उम्मेदवारहरुलाई जिताउन थारूले आग्रह गरे ।

कार्यक्रममा नेपाल कम्युनिष्ट पार्टी (माओवादी केन्द्र) का स्थायी समिति सदस्य पुर्णा कुमारी सुवेदीले वाम लोकतान्त्रिक गठबन्धनका उम्मेदवारहरुलाई विजयी बनाउन निर्देशन दिँदै केन्द्रमा भएको सहमतिको अक्षरसः कार्यान्वयन गर्नुपर्ने बताइन् । नेपाल कम्युनिष्ट पार्टी (एकीकृत समाजवादी) की नेतृ नारायणी वलीको स्वागत मनतव्यबाट सुरु गरिएको कार्यक्रमको अध्यक्षता नेपाली काँग्रेस प्रदेश १(२) का सभापति तथा संयुक्त निर्वाचन परिचालन समितिका संयोजक बलराम शर्माले गरेका थिए ।

प्रकाशित मिति: मंगलबार, कात्तिक १, २०७९ ०९:२३