संविधानको रक्षार्थ कांग्रेसको नेतृत्वमा गठबन्धन भएको होः राठोर

आम निर्वाचन-२०७९

गृहपृष्ठ
आम निर्वाचन-२०७९
संविधानको रक्षार्थ कांग्रेसको नेतृत्वमा गठबन्धन भएको होः राठोर

संविधानको रक्षार्थ कांग्रेसको नेतृत्वमा गठबन्धन भएको होः राठोर

मंगलबार, कात्तिक १, २०७९ बागेश्वरी पोस्ट

नेपालगञ्ज । नेपाली कांग्रेसका सह-महामन्त्री किशोरसिंह राठोरले संविधानको रक्षार्थ नेपाली कांग्रेसको नेतृत्वमा गठबन्धन भएको बताएका छन् ।

गठबन्धन दलका अगुवा नेता तथा कार्यकर्तालाई आज सम्बोधन गर्दै खजुरा-१ राधापुरमा बाँके क्षेत्र नम्बर ३ प्रतिनिधिसभा सदस्य उम्मेदवार रहेका राठौरले भने-"हामी निर्वाचनमार्फत संविधानको स्थायीत्वसँगै विकास निर्माणका लागि प्रतिबद्ध छौं ।" माओवादी जिल्ला संयोजक एवम् खजुरा गाउँपालिकाका अध्यक्ष डम्बर विक तुफानले यतिबेलाको एक मात्र राजनीतिक आवश्यकता गठबन्धनलाई जिताउनुपर्ने भएको बताएका थिए । अगुवा कार्यकर्ता भेटघाट तथा छलफल कार्यक्रममा पालिका उपाध्यक्ष मञ्जु मल्ल लगायतका गठबन्धन दलका अगुवाहरुले आ-आफ्नो भनाई राखेका थिए ।

नेपाली कांग्रेस इकाई सभापति हस्तबहादुर शाहीको सभापतित्वमा सम्पन्न छलफल तथा भेटघाट कार्यक्रममा प्रदेश सभा ३ (२) का उम्मेदवार बादशाह कुर्मी, पूर्व संविधानसभा सदस्य आशा विक, कांग्रेस बाँके पूर्व पार्टी सभापति कृष्णमान श्रेष्ठ, नेकपा समाजवादी सहितका गठबन्धन दलका स्थानीय नेता तथा अगुवा कार्यकर्ताहरुको उपस्थिति रहेको थियो ।

प्रकाशित मिति: मंगलबार, कात्तिक १, २०७९ १४:५२