कांग्रेस क्षेत्र नम्बर २(१) द्वारा चुनाव रणनीति तय, विभिन्न निर्णय गरिए

आम निर्वाचन-२०७९

गृहपृष्ठ
आम निर्वाचन-२०७९
कांग्रेस क्षेत्र नम्बर २(१) द्वारा चुनाव रणनीति तय, विभिन्न निर्णय गरिए

कांग्रेस क्षेत्र नम्बर २(१) द्वारा चुनाव रणनीति तय, विभिन्न निर्णय गरिए

मंगलबार, कात्तिक १, २०७९ बागेश्वरी पोस्ट

नेपालगञ्ज । मसिंर ४ गते हुने प्रदेश र प्रतिनिधिसभा सदस्य निर्वाचनलाई लक्षित गरी बाँके क्षेत्र नम्बर २(१) ले विभिन्न निर्णयहरु गरेको छ । प्रदेश सभापति ज्ञानेन्द्रकुमार चौधरीको सभापतित्वमा सम्पन्न बैठकले क्षेत्र नम्बर २ मा कांग्रेसकातर्फबाट उम्मेदवारलाई विजयी गराउन विशेष रणनीति तयार गरेको हो । बैठकले क्षेत्र नम्बर २ प्रदेश (१) अन्र्तगत रहेका १३ वटा वडामा प्रतिनिधि खटाएको छ भने सभापति चौधरीको संयोजकत्वमा ७ सदस्यीय निर्वाचन अनुगमन समिति गठन गरेको छ ।

बैठकले ४ जनालाई प्रदेश कार्यसमिति सदस्यमा मनोनित गरेको छ । बैठकले विष्णुसिंह ठकुरी, गंगाराम डाँगी, रुमबहादुर बुढाथोकी र धर्मपाल रैदासलाई सदस्यमा मनोनित गरेको हो । मनोानित सदस्यहरुलाई मनोनयन गरिएको पत्र प्रदान गरी स्वागत गरिएको थियो । मसिर ४ गतेको निर्वाचनमा काग्रेसका उम्मेदवारलाई अत्याधिक मतले विजयी गराउन सम्पूर्ण सदस्यहरु सक्रियरुपमा लाग्ने प्रतिबद्धता गरिएको थियो ।

बैठकमा क्षेत्र नम्बर २ प्रतिनिधि सभा सदस्य उम्मेदवार सुदिप नरसिंह राणा, प्रदेश सभा (१) का उम्मेदवार राजकुमार बर्मा र प्रदेश सभा (२) का उम्मेदवार सुरेन्द्रबहादुर हमालले आफनो उम्मेदवारीबारे बोल्दै प्रजातन्त्रको रक्षा, समृद्ध विकासका लागि आफुहरुलाई मतदान गर्न आवहान गरेका थिए । बैठकमा प्रदेश सभा (२) का सभापति जितेन्द्रबहादुर हमाल, प्रदेश प्रतिनिधि लगायतको उपस्थित रहेको थियो ।

प्रकाशित मिति: मंगलबार, कात्तिक १, २०७९ २१:२२