मतदाता शिक्षा लिएर जनतामाझ जान राठोरको अपील

आम निर्वाचन-२०७९

गृहपृष्ठ
आम निर्वाचन-२०७९
मतदाता शिक्षा लिएर जनतामाझ जान राठोरको अपील

मतदाता शिक्षा लिएर जनतामाझ जान राठोरको अपील

बिहीबार, कात्तिक ३, २०७९ बागेश्वरी पोस्ट

नेपालगन्ज । बाँके क्षेत्र नं. ३ अन्तरगत वडा नं. १७ परसपुरमा गठबन्धनका अगुवा कार्यकर्ताहरुबीच आज छलफल तथा भेटघाट कार्यक्रम सम्पन्न भएको छ ।

अगुवा कार्यकर्ता भेटघाट तथा छलफलमा बाँके क्षेत्र नं. ३ गठबन्धनबाट संघका उम्मेदवार किशोरसिंह राठोरले मतदाता शिक्षा कार्यक्रम लिएर जनतामाझ जान गठबन्धनका अगुवा कार्यकर्तालाई अपील गरेका छन् ।

२०७४ मा संविधान विरोधी शक्तिले चुनाव जितेकाले राजनीतिलाई अस्थिरतामा धकेलेको भन्दै उनले संविधानको रक्षार्थ यतिबेलाको गठबन्धलाई साथ दिन आह्वान गरेका थिए । विपक्षीले सत्तामा पुग्न गठबन्धन गरेको आरोप लगाइरहेको विषयलाई निराधार भएको बताउँदै कांग्रेस सह-महामन्त्री राठोरले यतिबेलाको गठबन्धन संविधानको रक्षा र ब्यवस्थाको स्थायित्वका लागि बनेको बताएका थिए । कार्यक्रममा संविधानसभा सदस्य आशा विकले एमालेले नागरिकता विधेयकमा जनतालाई धोका दिएक्ल बताएकी थिइन् । विकले गठबन्धनका उम्मेदवारलाई चुनाव जिताउन आग्रह गरेकी थिइन् ।

छलफल तथा भेटघाटका अवसरमा क्षेत्र नं.३ (२) का गठबन्धनका उम्मेदवार बादशाह कुर्मीले यस क्षेत्रको विकासका लागि आफू हरसम्भव लागिपरेको र थप लाग्ने प्रतिबद्धता जनाएका थिए । क्षेत्र नं. ३ का कांग्रेस सभापति मो. नक्की खाँले सबै धर्म र सम्प्रदायका जनताको साथ र सहयोगको आवश्यकता रहेको भनाई राखेका थिए ।

माओवादी नेता धनीराम ओलीले गठबन्धनका नेता तथा कार्यकर्तालाई स्वागत गरेका थिए । कांग्रेसका इकाई सभापति रामकुमार यादवको सभापतित्वमा सम्पन्न कार्यक्रममा गठबन्धनका अगुवाहरुले बोलेका थिए ।

प्रकाशित मिति: बिहीबार, कात्तिक ३, २०७९ १५:४८