अमेरिकाको क्यालिफोर्नियामा ३ दिनको अन्तरालमा भएको अर्को गोलाबारीमा ७ जनाको हत्या

विश्व

गृहपृष्ठ
विश्व
अमेरिकाको क्यालिफोर्नियामा ३ दिनको अन्तरालमा भएको अर्को गोलाबारीमा ७ जनाको हत्या

अमेरिकाको क्यालिफोर्नियामा ३ दिनको अन्तरालमा भएको अर्को गोलाबारीमा ७ जनाको हत्या

शनिबार भएको गोलाबारीमा १० जनाको हत्या

मंगलबार, माघ १०, २०७९ बागेश्वरी पोस्ट

फोटो : न्यू योर्क टाईम्स

नेपालगन्ज । अमेरिकाको क्यालिफोर्नियामा ३ दिनको अन्तरालमा फेरी गोलाबारी भएको छ ।यसअघि शनिबार भएको गोलाबारीमा १० जनाको हत्या हुँदै गर्दा सोमबार भएको अर्को गोलीबारीमा एक बन्दुकधारीले सात जनाको हत्या गरेका छन् ।

यसअघि शनिबार मात्रै क्यालिफोर्नियामै भएको गोलाबारीमा एक बन्दुकधारीद्वारा १० जनाको हत्या गरिएको थियो । सोमबार भएको यो आक्रमण सान फ्रान्सिस्कोबाट ५० किलोमिटर दक्षिणमा रहेको हाफ मुन बेको तटीय सहरका दुई छुट्टाछुट्टै स्थानमा भएको हो । आक्रमणकारी स्थानीय निवासी ६७ वर्षीय झाओ चुन्ली भएको बताइएको छ ।

क्यालिफोर्नियाले लुनार नयाँ वर्षको मनाउने क्रममा बहुसंख्यक एसियाली रहेको मोन्टेरे पार्कमा १० जनाको हत्या भएको घटनाको शोक मनाइरहेकै बेला सोमबार यो आक्रमण भएको हो ।

सोमबारको घटनामा संदिग्ध व्यक्ति आक्रमणको करिब दुई घण्टापछि सान माटेओ काउन्टी शेरिफको कार्यालयमा पुगेको भिडियो खिचिएको थियो । मारिएका पहिलो चार पीडितहरू स्थानीय समय अनुसार २ बजेर २२ मिनेटमा एउटा च्याउ फार्ममा फेला परेका थिए भने थप मारिएका तीन जना नजिकैको ट्रकिङ व्यवसायमा फेला परेका थिए । त्यहाँको प्रहरीले अनुसन्धान अघि बढाए पनि आक्रमणको कारण बताएका छैनन् ।

प्रकाशित मिति: मंगलबार, माघ १०, २०७९ ११:१६

प्रतिक्रिया दिनुहोस्