गीतकार रविन स्वप्नील गिरीको नयाँ गीत बजारमा

मनोरञ्जन

गृहपृष्ठ
मनोरञ्जन
गीतकार रविन स्वप्नील गिरीको नयाँ गीत बजारमा

गीतकार रविन स्वप्नील गिरीको नयाँ गीत बजारमा

बुधबार, जेठ २५, २०७९ बागेश्वरी पोस्ट

नेपालगञ्ज । गीतकार रविन स्वप्नील गिरीको नयाँ गीत बजारमा आएको छ । धारामा गाग्रीको लर्को बोलको गीतमा गायक एवम् संगीतकार एसडी योगी र गायिका सुमन गुरुङले स्वर दिएका छन् ।

केशरी, बटौली, कर्ली कर्ली कपाल, दुबो फुल्यो जस्ता चर्चित गीतका गायक एवम् संगीतकार एसडी योगीको संगीत रहेको उक्त गीतको भिडियो फ्रेमइन मोसन युट्युब च्यानलबाट सार्वजनिक गरिएको छ । चर्चित नृत्य जोडी विजु पार्की र कविता नेपालीको अभिनय रहेको भिडियोको निर्देशन सुरेन्द्र मल्ल ठकुरीले गरेका छन् ।

नेपाल कृषि अनुसन्धान निर्देशनालय लुम्बिनी प्रदेश खजुरा बाँकेमा कृषि अधिकृतका रुपमा कार्यरत गीतकार गिरीको शब्द रहेका पिउन शुरु गरेपछि, पिरती नाप्ने केले हो, जिन्दगीको के छ र भर, हे सुवा लगायतका गीत बजारमा आइसकेका छन् । जिन्दगीको के छ र भर बोलको गीतमा उनले स्वर समेत दिएका छन् ।