ड्युटीका क्रममा बेहोस भएका प्रहरी सहायक हवल्दार नविन चौधरीको मृत्यु

स्वास्थ्य

गृहपृष्ठ
स्वास्थ्य
ड्युटीका क्रममा बेहोस भएका प्रहरी सहायक हवल्दार नविन चौधरीको मृत्यु

ड्युटीका क्रममा बेहोस भएका प्रहरी सहायक हवल्दार नविन चौधरीको मृत्यु

बिहीबार, फागुन १८, २०७९ बागेश्वरी पोस्ट

नेपालगन्ज । ड्युटी गर्ने क्रममा बेहोस भएका एक प्रहरी सहायक हवल्दारको मृत्यु भएको छ ।बैतडीको मेलौली नगरपालिका २ सलेना अस्थायी प्रहरी चौकीमा कार्यरत रहेका ३२ वर्षीय प्रहरी सहायक हल्वदार नविन चौधरी ड्युटीको क्रममा हिजो साँझ बेहोस भएका थिए ।

साढे ५ बजेतिर ड्युटीमै बेहोस भएका उनको उपचारका लागि स्वास्थ्य चौकीमा लगेर उपचारको क्रममा उनको साँझ ७ बजेतिर मृत्यु भएको प्रहरी निरीक्षक लोकराज जोशीले जानकारी दिए ।

जोशीका अनुसार चौधरीको मृत्युबारे आफन्तलाई खबर भइसकेको छ । आफन्त बैतडी पुगेपछि शवको मुचुल्का तयार पार्ने र पोस्टमार्टमको काम गरिनेछ । मृतक सहायक हल्वदारको घर कैलालीको कैलारी गाउँपालिका ७ हो ।

प्रकाशित मिति: बिहीबार, फागुन १८, २०७९, ०७:३५:००

प्रतिक्रिया दिनुहोस्