एक महिलाले मागिन् राष्ट्रपतिसँग आत्महत्याको अनुमति

बिचित्र संसार

गृहपृष्ठ
बिचित्र संसार
एक महिलाले मागिन् राष्ट्रपतिसँग आत्महत्याको अनुमति

एक महिलाले मागिन् राष्ट्रपतिसँग आत्महत्याको अनुमति

शुक्रबार, चैत २०, २०७७ बागेश्वरी पोस्ट

भारत । भारतको राजस्थानकी एक महिलाले राष्ट्रपतिसँग तीन बच्चासहित आत्महत्याको अनुमति मागेकी छन्। ती महिलाका अनुसार श्रीमान र परिवारले सास्ति दिने गरेकाले आत्महत्या गर्ने सोच बनाएकी हुन्।

यो घटना अजमेरको पटेल नगर तोपदडाको हो। यहाँकी एक महिला आफ्ना तीन सन्तानसहित जिल्ला कलेक्टर कार्यालय पुगिन। र, उनले राष्ट्रपतिको नाममा लेखिएको ज्ञापन पत्र कलेक्टरलाई बुझाइन्। त्यसमा आत्महत्या गर्नका लागि अनुमति मागिएको थियो।

उनले श्रीमानसहित परिवारका सदस्यले पटक-पटक बच्चाहरूसहित आफूलाई घरबाट निकाल्ने धम्कि दिने गरेको आरोप लगाएकी छन्।

ती महिलाको नाम सोनु चौहान हो। मेरो विवाह २००७ जनवरी २९ मा भएको हो। मेरो श्रीमान सासु र नन्दले भने अनुसार मलाई कुटपिट गर्नुहुन्छ। धेरै वर्षदेखि मैले यो पीडा सहदै आएकी छु। म १३ र ९ वर्षकी छोरी तथा ५ वर्षको छोरासहित ४ वर्षदेखि छुट्टै बस्दै आएकी छु। र, मलाई परिवारका सदस्यहरूले यहाँ पनि सास्ति दिने गरेका छन्, उनले ज्ञापन पत्रमा लेखेकी छन्।

पीडितले श्रीमानले सधै झगडा गर्ने गरेको आरोप लगाएकी छन्। १४ वर्षदेखि श्रीमाले नियमित दुःख दिनेगरेको उनको दुखेसो छ। उनले यस्तो अवस्थामा अब आफू बाच्नै नसक्ने बताएकी छन्। अमरउजालाबाट

प्रकाशित मिति: शुक्रबार, चैत २०, २०७७, ०८:२९:००

प्रतिक्रिया दिनुहोस्